‘आम्हाला सिडकोने परवानगी दिली’; विनापरवाना बांधकामाबाबत मिस्त्री कन्स्ट्रक्शनकडून पालिकेला पत्र

हेही वाचा- उरणमधील पाणजे डोंगरी परिसरात कोल्ह्याचे दर्शन

आणखी वाचा

मुंबई : ‘मेट्रो२ ब’च्या कामात कंत्राटदाराकडून पुन्हा दिरंगाई

शरद पवारांचं राज ठाकरेंना आव्हान; जातीयवादाच्या टीकेवर म्हणाले,…

शहरातील पूरस्थितीच्या अहवालाची प्रत देण्यास पालिकेचा नकार, काय आहे कारण..?

१३४ कामगारांना मुक्त न करणाऱ्या साहाय्यक आयुक्तांना शिस्तभंग कारवाईच्या नोटिसा, फेरीवाला, अतिक्रमण नियंत्रण पथकातील कामगार बदली प्रकरण

विश्लेषण : परवडणाऱ्या घरांचे गणित का बिघडले? लाभार्थी ग्राहक योजनांकडे पाठ का फिरवत आहेत?

लॉरेन्स बिष्णोई टोळीशी संबंधित चौघे जण ताब्यात; मुंबई पोलिसांकडून कर्वेनगर भागात कारवाई

Delhi Air Pollution : “पर्यावरण संरक्षण कायदा दंतहीन”, दिल्लीतील वायू प्रदूषणावरून सर्वोच्च न्यायालयाचे केंद्रावर ताशेरे!

शाळांना सुविधा हव्यात नां? मग ‘हे’ करावेच लागेल…

तर दुसरीकडे पर्यावरण प्रेमींनी पालिकेची परवानगी नसताना करण्यात येत असलेल्या बांधकामाबाबत तोडक कारवाई करुन संबंधितावर एफआरआय दाखल करण्याची मागणी पालिकेकडे केली आहे. आता पालिका व सिडको यांच्या अधिकारावरुनच अधिक वादंग वाढण्याची शक्यता आहेत.त्यामुळे एकीकडे विकास आराखड्यावरुन सुरु झालेल शीतशुध्द आगामी काळात थंडावणार की अधिक तापणार असा प्रश्न निर्माण झाला आहे.

एनआरआय कॉम्प्लेक्स पाठीमागील बाजूला पालिकेच्या बांधकाम परवानगीविना सुरु असलेले काम तात्काळ थांबवण्याची मागणी पर्यावरणप्रेमी व स्थानिक नागरीकांनी पालिका,सिडको व मुख्यमंत्र्यांकडे केली आहे.सीवूड्स एनआरआय कॉम्प्लेक्स येथील कामावरुन पर्यावरणप्रेमींनी वारंवार पालिका,सिडको, पर्यावरण विभाग, महाराष्ट्र शासन यांच्याकडे पाठपुरावा करत आहे. पाणथळ जमिनीवर बहुमजली ९ निवासी संकुले व गोल्फ मैदान बनविण्याबाबतचे प्रकरण न्यायप्रविष्ट असताना दुसरीकडे न्यायालयाच्या सूचनांना केराची टोपली दाखवत या ठिकाणी बेकायदा बांधकाम सुरु असल्याचा आरोप पर्यावरणप्रेमी यांनी केला आहे.

हेही वाचा- उरणमधील पाणजे डोंगरी परिसरात कोल्ह्याचे दर्शन

सीवूड्स एनआरआय परिसरात सिडकोच्या परवानगीने मिस्त्री कंन्सट्रक्शन यांनी ७२४ झाडे तोडल्याप्रकरणी तसेच येथील गोल्फ कोर्स व गृहसंकुल निर्मिती प्रकरणाबाबत सुरवातीपासूनच पाठपुरावा करणारे या विभागातील पर्यावरणप्रेमी व नागरीक यांनी सातत्याने विरोधकेला आहे. सीवूडस सेक्टर ६० एनआरआय़ कॉम्प्लेक्स ऐ,बी,सी डी व ई ब्लॉकमधील ३३.५५ हेक्टर जागेवर गोल्फ कोर्स व बहुमजली निवासी उभारण्याची परवानगी सिडकोने दिली .परंतू सर्वोच्च न्यायालयानेही ऑक्टोबर २०१७मध्ये ही जागा पाणथळ यादीत असल्याने येथील काम तात्काळ थांबवण्याचे आदेश दिले होते.नवी मुंबई महापालिका क्षेत्रातील या जागेवर बांधकाम परवानगी सिडकोने दिल्याबद्दल आश्चर्य व्यक्त करण्यात येत असून पालिकेच्या अधिकारावर हा गदा आणण्याचा प्रकार असून पालिकेनेही याबाबत संबंधित मे. मिस्त्री कन्स्ट्रक्शनला खुलासा करण्याचे पत्र दिले होते. परंतू पालिकेच्या पत्राबाबत संबंधित विकसकाने सिडकोने दिलेल्या नवी मुंबई महापालिकेच्या नगररचना विभागानेही संबंधित कंपनीला तात्काळ खुलासा करण्याचे पत्र दिले होते त्याप्रमाणे पालिकेला खुलासा प्राप्त झाला असून या खुलाशामध्ये संबंधित विकसकाकडून सिडकोच्यावतीने देण्यात आलेल्या परवानगीचे पत्र जोडण्यात आलेले आहे. सरकारी आस्थापनांमध्येच सुरु असलेल्या परवानगीच्या अधिकारावरुन वादंग सुरु असून याचा फायदा विकासक घेत असल्याचा आरोप पर्यावरणप्रेमी यांनी केला आहे.

हेही वाचा- व्यवहारातील पैसे दिले नाहीत म्हणून अपहरण; तिघांविरोधात गुन्हा दाखल

एनआरआय कॉम्प्लेक्सच्या पाठीमागील बाजूस असलेल्या डी व ई पॉकेटमध्ये पालिकेची कोणतीही परवानगी न घेता काम सुरु आहे. पलिकेने विकासकाला बेकायदा बांधकाम करत असल्याबाबत ३० ऑगस्ट रोजी खुलासा मागितला होता.शहरात सरकारच्या दोन आस्थापनांना दिलेल्या अधिकारामुळे गोंधळ असून त्याचा फायदा विकासक घेत आहेत.सरकार जाणीवपूर्वक बिल्डरधार्जिणी निर्णय घेत असून ही बाब अत्यंत चुकीची आहे. उरण मधील पाणजे डोंगरी परिसरात कोल्ह्याचे दर्शनसुविधा पालिकेने पुरवायच्या व बांधकाम चार्जेस सिडको घेणार हा कुठला नियम ? याला तीव्र विरोध करण्यात येईल, असा इशारा पर्यावरणप्रेमी, सुनील अग्रवाल यांनी दिला.

सीवीड्स एनआरआयमागील भूखंडाच्याबाबात पालिकेची परवानगी घेतली नाही व सिडकोने परवानगी दिली आहे. त्यामुळे शासनाने याबाबत योग्य तो धोरणात्मक निर्णय घेण्याची आवश्यकता आहे. संबंधित विकासकाने सिडकोने दिलेली परवानगी पत्राला जोडली आहे, अशी माहिती नवी मुंबई महापालिकेतील नगररचना विभागाचे सहाय्यक संचालक सोमनाथ केकाण यांनी दिली.