Yashashree Shinde Murder Case is About love triangle

Yashashree Shinde Murder Case : २५ जुलै रोजी नेमकं काय घडलं, याचा पोलीस तपास घेत आहेत.

दाऊद शेखला कर्नाटकातून अटक (फोटो - लोकसत्ता ग्राफिक्स टीम)

Yashashree Shinde Murder Case : उरण येथील २२ वर्षीय यशश्री शिंदेची २५ जुलै रोजी निर्घृण हत्या करण्यात आली होती. एकतर्फी प्रेमातून ही हत्या झाल्याची प्राथमिक माहिती होती. तर, हत्येनंतर मारेकरी कर्नाटकात त्याच्या मूळ गावी गेला होता. नवी मुंबईच्या गुन्हे शाखेने मंगळवारी सकाळी कर्नाटकातील गुलबर्गा जिल्ह्यातील शाहपूर टेकडी परिसरातून आरोपी दाऊद शेखला (२४) अटक केली आहे. फ्री प्रेस जर्नलने यासंदर्भातील वृत्त दिलं आहे.

दाऊद शेख पीडितेला २०१९ पासून ओळखत होता. त्याच्या त्रासाला कंटाळून यशश्रीच्या पालकांनी त्याच्याविरोधात पोस्कोअंतर्गत गुन्हाही दाखल केला होता. यामुळे त्याला ६ महिने तुरुंगवास भोगावा लागला होता. तुरुंगातून सुटून आल्यानंतर तो कर्नाटकातील त्याच्या गावी गेला. तिथे तो बसचालक म्हणून काम करत होता.

आणखी वाचा

scammer pretending to be police officer calls real cop

‘शिकारी खुद यहां शिकार हो गया’, सायबर चोरट्याचा पोलिसाला गंडा घालण्याचा प्रयत्न; नंतर झालं असं काही

Nana Patole : निकालाआधी राजकीय घडामोडींना वेग; यातच…

court accepts report filed by eow against shiv sena leader ravindra waikar in Jogeshwari land scam mumbai

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

Accused who escaped after killing friend arrested

मित्राचा खून करून पसार झालेला आरोपी गजाआड, ससून रुग्णालय परिसरात कारवाई

Worli hit and run case, High Court, Mihir Shah claim,

वरळी हिट अ‍ॅण्ड रन प्रकरण : गुन्हा करताना सापडल्यानंतरही अटकेचे कारण सांगणे अपरिहार्य ? मिहिर शहाच्या दाव्यावर उच्च न्यायालयाचे प्रश्नचिन्ह

Pansare murder case, ATS claim, high court,

पानसरे हत्या प्रकरणाचा सर्व पैलूंनी तपास, एटीएसचा उच्च न्यायालयात दावा

Baba Siddique Murder Investigation Latest Update

Baba Siddique Murder : बाबा सिद्दिकींचे मारेकरी गोळीबार करून पळाले नाहीत, लीलावती रुग्णालयात जाऊन…, पोलीस चौकशीत खुलासा

हेही वाचा >> Yashashree Shinde Murder Case : निर्जनस्थळी रक्ताच्या थारोळ्यात पडलेल्या मृतदेहाचे कुत्र्यांनी तोडले लचके; यशश्री शिंदेचा मृतदेह पोलिसांना कसा सापडला?

लव्ह ट्रँगलमधून तरुणीची हत्या

फ्री प्रेस जर्नलने दिलेल्या वृत्तात पोलिसांनी दिलेल्या माहितीनुसार, “या दोघांमध्ये प्रेमसंबंध होते. परंतु, यशश्री दुसऱ्या मुलाच्या संपर्कात आल्याने दाऊदला राग (Yashashree Shinde Murder Case) आला होता. यामुळे दोघांमध्ये दुरावाही निर्माण झाला होता.” गुन्हे शाखेच्या एका अधिकाऱ्याने सांगितले की, “कॉल रेकॉर्डनुसार शेख २२ जुलै रोजी उरणला आला. आणि २५ जुलैपासून त्याचा फोन बंद झाला.” पोलिसांनी सांगितले की, “त्याच्या सोशल मीडिया पोस्टवरूनही तो निराश असल्याचं सिद्ध होत आहे.”

२५ जुलै रोजी त्यांच्यात काय झाले ज्यामुळे त्याने चाकूने वार (Yashashree Shinde Murder Case) करून तिचा खून केला, याचा तपास सुरू आहे. आरोपीला नवी मुंबईत आणण्यात येत असून तो इथं परतल्यानंतर त्याची चौकशी सुरू होईल.

सोशल मीडियावरील दावे खोटे

दरम्यान, यशश्रीच्या हत्येनंतर सोशल मीडियावर संपात व्यक्त केला जात आहे. तिची क्रूर हत्या करण्यात आली असून लव्ह जिहादातून हे प्रकरण घडल्याचं सोशल मीडियावर व्हायरल होतंय. यावर झोन एकचे पोलिस उपायुक्त विवेक पानसरे यांनी म्हणाले, तरुणीची चाकूने वार करून हत्या करण्यात आली. तिच्या गुप्तांगा दुखापत झाली आहे, डोके फुटले आहे, स्तन कापले गेले आहेत, हात कापले गेले आहेत, अशा पोस्ट दिशाभूल करणाऱ्या आणि खोट्या आहेत. हत्येमागे लव्ह ट्रँगल असून लव्ह ‘जिहाद’ नसल्याचंही त्यांनी स्पष्ट केलं.

Web Title: Yashashree shinde murder case is not one sided lover but the love triangle what police said sgk