डॉ. आदिती पंत या अंटाक्र्टिका खंडावर जाणाऱ्या पहिल्या भारतीय महिला समुद्रवैज्ञानिक आहेत. १९८३ मध्ये प्रदीप्त सेनगुप्ता या भूगर्भशास्त्रज्ञाबरोबर इंडियन अंटाक्र्टिक कार्यक्रमांतर्गत त्यांनी अंटाक्र्टिकाला जाऊन विशेष अभ्यास केला. आप्पासाहेब पंत या भारत सरकारच्या राजनैतिक उच्चयुक्तांची कन्या असलेल्या आदिती यांचा जन्म ५ जुलै १९४३ रोजी नागपूर येथे झाला. त्यांची आई वैद्यकीय डॉक्टर होती. तेव्हाच्या पुणे विद्यापीठातून बी.एस्सी. केल्यावर ‘अॅलिस्टर हार्डी’ यांचे ‘ओपन सी’ हे पुस्तक त्यांच्या वाचनात आले, तेव्हाच समुद्रविज्ञानात करिअर करायचे त्यांनी ठरवले. अमेरिकेतील हवाई विद्यापीठात समुद्र विज्ञानपदव्युत्तर शिक्षण घेण्यासाठी त्यांना शिष्यवृत्ती मिळाली. येथे त्यांनी सूर्यप्रकाशाची उपलब्धता आणि त्याचा प्लवकांच्या
समुदायात घडणाऱ्या प्रकाशसंश्लेषण प्रक्रियेवर होणारा परिणाम या विषयावर प्रबंध लिहिला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
