कुतूहल : मोत्यांची निर्मिती! 

हेही वाचा >>> कुतूहल : मोती देणारी कालवं

आणखी वाचा

झुरळांचा त्रास आता कायमचा होईल गायब! ‘रात्रीचा भात’ वापरून होईल कमाल, पाहा जुगाडू उपाय

…तर औषधाची गरजच नाही! वाचा निरोगी आयुष्य जगण्यासाठी…

कुतूहल : खडकांवरच्या पाऊलखुणा

वाघाच्या बछड्याच्या मृत्यूचे खरे कारण आले समोर, गोंदिया वन विभागाच्या…

अवाढव्य वाढलेल्या ठाण्याची तहान वाढीव पाणी पुरवठा भागवेल का?

स्थलांतरातून बहरलेली खाद्यसंस्कृती

रत्नागिरीत घुसखोरी करणाऱ्या मलपी येथील मासेमारी बोटीचा थरारक पाठलाग, गस्ती नौकेला एक बोट पकडण्यात यश

कुत्सित बोलणी ते ‘मॅडम के खेत की मिरची’…अनुष्का जयस्वालचा यशस्वी प्रवास

मोती तयार होताना शिंपले कधी कधी पाण्याच्या बाहेर फेकले गेल्याने योग्य पोषणाअभावी मोत्यांच्या आकारावर विपरीत परिणाम होतो. ओबडधोबड आकाराच्या मोत्यांना ‘बरोक’ म्हणतात. पूर्ण गोल, आकर्षक रंगाचे, चमकदार व जड मोती हे उत्तम प्रतीचे समजले जातात. पर्शियन आखातात सर्वोत्तम दर्जाचे मोती सापडतात. फिलिपाईन्सच्या समुद्रात सापडलेल्या सुमारे ६० सेंटिमीटर लांब व ३० सेंटिमीटर रुंदीचा ३४ किलो वजनाच्या मोत्याची आजवरचा सर्वात मोठा मोती म्हणून नोंद झाली आहे. बहुतांश मोत्यांचा रंग रुपेरी असून राखाडी, गुलाबी, सोनेरी छटा असणारे मोतीही नैसर्गिकरीत्या तयार होतात. काळय़ा रंगाचे मोती दुर्मीळ असतात. मोत्यांचा उपयोग प्राचीन काळापासून अलंकार तयार करण्यासाठी होतो. आयुर्वेदिक तसेच युनानी औषधांमध्ये नैसर्गिक मोत्यापासून बनवलेले भस्म वापरतात. 

नैसर्गिक प्रक्रियेतून मिळणाऱ्या मोत्यांचे प्रमाण फार कमी असल्याने कृत्रिमरीत्या मोती संवर्धन केले जाते. हे तंत्र सर्वप्रथम जपानमध्ये  विकसित झाले. नियंत्रित परिस्थितीत कालवांना भूल देऊन त्यांचे शिंपले उघडून केंद्रकाचे म्हणजेच कृत्रिम कणांचे रोपण करून शिंपला पुन्हा बंद करतात. काही काळानंतर तेथे मोती तयार होतो. मोती शिंपल्यातून बाहेर काढल्यानंतर चमक आणण्यासाठी काही रासायनिक प्रक्रिया केल्या जातात. हेच कल्चर्ड मोती. मोती संवर्धनाद्वारे ग्रामीण युवकांना रोजगाराची उत्तम संधी उपलब्ध  झाली आहे. तुतीकोरीन येथील मत्स्यसंशोधन संस्थेमध्ये याचे प्रशिक्षण दिले जाते.

– डॉ. सीमा खोत

मराठी विज्ञान परिषद

ईमेल : office@mavipa.org

संकेतस्थळ : www.mavipa.org