‘केंद्रीय मत्स्य शिक्षण संस्था’ म्हणजेच ‘सीआयएफई’ ही मत्स्यविज्ञानातील उच्च शिक्षण देणारी व संशोधन करणारी भारतातील प्रमुख राष्ट्रीय संस्था असून ती मुंबईत अंधेरीत स्थित आहे. मत्स्योत्पादनात जागतिक पातळीवर भारत तिसऱ्या स्थानावर आहे. अन्नसुरक्षेच्या दृष्टीनेही मत्स्यउत्पादन महत्त्वाचा घटक असल्याने मत्स्य व्यवसायाकडे केवळ पारंपरिक दृष्टिकोनातून न पाहता, त्याचे व्यवस्थापन करून उत्पादन वाढवण्याकरिता मत्स्यविज्ञानाचे शास्त्रीय शिक्षण देणे ही काळाची गरज आहे, हे डॉ. दत्तात्रय वामन बाळ यांनी ओळखले. त्यांच्या विशेष प्रयत्नांनी १९६१ साली ही संस्था भारतीय कृषी संशोधन परिषदेअंतर्गत स्थापन करण्यात आली आणि १९८९ साली या संस्थेला अभिमत विद्यापीठाचा दर्जा प्राप्त झाला. संस्थेची प्रादेशिक उपकेंद्रे रोहतक, कोलकाता, काकीनाडा, मध्य प्रदेशातील पावरखेडा आणि बिहारमधील मोतिहारी येथे आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
