भारतीय कृषी अनुसंधान परिषदे (आयसीएआर)च्या अखत्यारीतील केंद्रीय समुद्रीय मत्स्यकीय संस्था (सीएमएफआरआय) आता विषुववृत्तीय सागरी मत्स्य प्रजातींबाबत संशोधन करणारी संस्था म्हणून जागतिक स्तरावर प्रसिद्ध झाली आहे. तिचे मुख्य कार्यालय केरळमधील कोची येथे असून भारताच्या समुद्रकिनाऱ्यावरील सर्व महत्त्वाच्या मासेमारी बंदरांच्या ठिकाणी जसे वेरावळ, मुंबई, मंगलोर, त्रिवेंद्रम, चेन्नई, रामेश्वरम, तुतीकोरिन, विशाखापट्टणम, पुरी, अंदमान, लक्षद्वीप इत्यादी संशोधन उपकेंद्रे आहेत. या संस्थेत सुरुवातीला मत्स्योत्पादनाचे प्रमाण, माशांचे आणि इतर खाद्य सागरी जीवांचे वर्गीकरण, माशांच्या प्रजातींचा जैव-संपत्तीच्या दृष्टिकोनातून अभ्यास, मासेमारीची साधने, अशा बाबींचा अभ्यास केला जात असे. नंतरच्या कालखंडात शाश्वत मासेमारी, मत्स्यशेती, माशांपासून निरनिराळी उत्पादने तयार करणे असे विषय हाताळले जातात.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
