कुतूहल: समुद्रकिनाऱ्यांवरील वनस्पती

किनाऱ्यावरील वाळूच्या प्रकारानुसार अनेक वेळा या वनस्पती स्थलकालानुसार बदलतात. काही छोटी फुले येणारी झाडे ही हंगामानुसार बदलतात. त्यांची वाढ बियांपासून होते व काही काळानंतर त्यांची जागा इतर काही वनस्पती घेतात. वाळूचा पोत, रंग त्यात राहाणारे प्राणी, भरती-ओहोटीनुसार होणारी मातीची धूप याचा एकत्रित परिणाम या लहान वनस्पतींवर होतो. यातील काही लहान वनस्पतींची पानेही बऱ्यापैकी पाणी साठवल्यामुळे जाड झालेली असतात. पानांचा मांसलपणा हा या वनस्पतींचे या परिसंस्थेशी अनुकूलन दर्शवितो. आजूबाजूला खारे पाणी असताना या पानांमध्ये साठवलेले पाणी आपल्या चयापचय क्रियेसाठी वापरले जाते. ‘मोरस’ हे या प्रकारचे किनाऱ्यावर आढळणारे झाड आहे. या झाडाची पाने आकाराने खूप छोटी व मांसल असतात. ‘धाप’ हेदेखील असेच एक मांसल पानांचे झाड वाळूमध्ये आढळते. त्याची पाने आकाराने मोठी व रुंद, मांसल असतात. खोडाचा रंग लालसर असतो. किनाऱ्यावरील वाळूत ते दाटीवाटीने पसरून वाढलेले दिसते.

आणखी वाचा

Bali: जंगलात फिरत होते पर्यटक, अचानक कोसळले भले मोठे वृक्ष; दोन पर्यटकांनी गमावला जीव, थरारक Video Viral

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

भंडारा : वाघाला चक्क गावकऱ्यांनीच घेरले अन…

नवेगाव नागझिरा व्याघ्र प्रकल्पात वाघिणीच्या छाव्यांचा खेळ

सोलापूर : ज्वारीच्या कोठारात यंदा ज्वारीचा पेरा निम्म्यावर, लांबलेल्या पावसाचा परिणाम

दाम्पत्याला भाट्ये समुद्रात खेळणे पडले महागात; स्थानिक मच्छीमारांनी वाचविले प्राण

निसर्गलिपी : फुलांच्या वार्षिक प्रदर्शनांना जाच!

चंद्रपूर जिल्ह्यात सातवाहनकालीन वस्तीचे अवशेष; कधी होते मोठे शहर, आज आहे गर्द वनराई…

किनाऱ्यावर मर्यादा वेलीच्या फांद्या लांबवर पसरलेल्या असतात. या वेलीच्या आच्छादनाने खालची वाळू ही जागेवर धरून ठेवली जाते. अन्यथा वाळूचे हलके कण वाऱ्याने सहज उचलले जाऊन दूरवर पसरतात. या वेलीची पाने जाडसर आणि दोन भागांत विभागलेली असतात. वेलीवर जांभळय़ा रंगाची घंटेच्या आकाराची मोठी फुले आढळतात.

डॉ. स्मिता जाधव, मराठी विज्ञान परिषद

( मर्यादा वेल )