कृत्रिम बुद्धिमत्तेने कलेच्या क्षेत्रातही आपला ठसा उमटवला आहे. याचे एक उत्तम उदाहरण म्हणजे बीथोवन या अभिजात संगीतकाराच्या दहाव्या सिंफनीला लाभलेले मूर्त स्वरूप. बीथोवनचे १८२७ मध्ये निधन झाले. मृत्यूच्या तीन वर्षे आधी त्याने आपल्या दहाव्या सिंफनीच्या निर्मितीला सुरुवात केली. परंतु प्रकृतिअस्वास्थ्यामुळे तो आपली ही सिंफनी पूर्ण करू शकला नाही आणि ती अपूर्णच राहिली. सिंफनी हा मोठ्या वाद्यावृंदाकडून सादर केला जाणारा सांगीतिक प्रकार असून तो चार भागांत विभागलेला असतो. बीथोवन या सिंफनीचा पहिला भागही पूर्ण करू शकला नव्हता. त्याच्या या अपूर्ण सिंफनीचे स्वरूप होते – स्वररचनेची फक्त काही रेखाटने आणि त्याबरोबर केलेल्या काही लेखी नोंदी! अपूर्ण अवस्थेत असलेली ही सिंफनी आता कृत्रिम बुद्धिमतेच्या आधारे पूर्ण केली गेली आहे. ऑस्ट्रियातील ‘कारायन इन्स्टिट्यूट’ने हे आव्हान पेलले आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
