आपल्या देशातील विविध मत्स्य प्रजातींच्या जननद्रव्याचे संवर्धन व्हावे या हेतूने राष्ट्रीय मत्स्य आनुवंशिक संसाधन ब्युरो (नॅशनल ब्युरो ऑफ फिश जेनेटिक्स रिसोर्सेस-एनबीएफजीआर) या संस्थेची स्थापना डिसेंबर १९८३ मध्ये प्रयागराज (अलाहाबाद) येथे भारतीय कृषी अनुसंधान परिषदेच्या आधिपत्याखाली झाली. सुरुवातीला १९९९ मध्ये उत्तर प्रदेशातील लखनौ येथे ५२ एकर जागेत, या विषयातील प्रयोगशाळा, मत्स्यशेतीची सोय, शेततळी, प्रशासकीय कचेऱ्या वगैरे निर्माण करण्यात आल्या. विविध माशांच्या जननद्रव्याचा पूर्ण अभ्यास करून त्यातून त्यांच्या संवर्धनासोबतच शाश्वत मासेमारी आणि भावी पिढीसाठी बौद्धिक मालमत्ता अधिकाराच्या हक्कांचे रक्षण करणे या दूरदृष्टीने या संस्थेची उभारणी करण्यात आली. प्रत्येक खाद्य प्रजातीची जनुकीय माहिती कायमस्वरूपी सूचिबद्ध स्वरूपात येथे जतन करण्यात येते. त्याप्रमाणे मत्स्य संवर्धनाचे कार्यक्रम आखले जातात. आपल्या स्वकीय प्रजातींच्या आरोग्यावर परकीय प्रजातींचा काय परिणाम होतो याचा तुलनात्मक अभ्यास केला जातो.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
