कुतूहल: स्मार्ट शहरे आणि नागरिकांची सुरक्षितता

शहरात रोज घडणाऱ्या गुन्ह्यांची ओळख आणि उकल करण्यास कृत्रिम बुद्धिमत्ता प्रणाली साहाय्यभूत ठरते. कॅमेऱ्यांनी चित्रित केलेली क्षणचित्रे गुन्ह्याची पद्धत आणि गुन्हेगाराची वागणूक ओळखण्यास मदत करतात आणि त्याप्रमाणे सुरक्षितता प्रदान करता येते. शहरातील नागरिकांच्या सुरक्षिततेत सीसीटीव्ही कॅमेऱ्यामुळे सुधारणा झाली. कारण गुन्हेगाराचा चेहरा आणि कपडे ओळखण्याची सुविधा त्यात असल्यामुळे गुन्हेगार शोधणे आता थोडे सोपे झाले आहे. शहरात अनेक ठिकाणी जे सुरक्षा कॅमेरे बसवले आहेत त्यांनी मिळवलेल्या, नोंदवून ठेवलेल्या प्रचंड विदेचे विश्लेषण करून नेमके गुन्हेगार कोण आहेत ते शोधणे शक्य होते आणि कारवाई करता येते.

आणखी वाचा

मावळचे वातावरण तापले! तालुक्यातून १०१ गुन्हेगार हद्दपार

महायुतीला सत्ता मिळाली, लाडक्या बहिणींना २१०० रुपये कधीपासून…

लोकसभेतील अपयशानंतर ‘भारत जोडो’सारख्या शक्तींवर मात; विधानसभेत प्रभाव नसल्याचे देवेंद्र फडणवीस यांचे प्रतिपादन

कुतूहल : कृत्रिम बुद्धिमत्तेच्या साहाय्याने निर्णयांची अंमलबजावणी

निवडणुकीच्या धामधुमीत ९९ आरोपी तडीपार…गेल्या १० वर्षात पहिल्यांंदाच…

अतिक्रमणविरोधी कारवाईवेळी ‘हे’ नियम पाळा, थेट सर्वोच्च न्यायालयानंच घालून दिली नियमावली!

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

शिफारस किंवा सूचक प्रणालीच्या (रेकमंडेशन सिस्टम) मदतीने जिथे सर्वसाधारणपणे गुन्हे घडणार याची शक्यता प्रशासनाला जाणवते किंवा तशी माहिती मिळते तेव्हा लगेच त्या भागात प्रशासन गस्त पथक पाठवून वेळीच गुन्हे आटोक्यात आणू शकते.

कृत्रिम बुद्धिमत्ताआधारित सूचक प्रणालीचा आणखी एक फायदा म्हणजे रस्ते अपघात फार मोठ्या प्रमाणावर कमी करता येतील. अनेक कॅमेरे बसवून, संवेदकांचे जाळे उभारून त्यांच्यापासून मिळणाऱ्या विदेचे विश्लेषण करून वाहतूक नियम मोडणारे, लेन तोडणारे यांच्यावर वेळीच कारवाई केली तर आपोआपच रस्ते अपघात कमी होतील. विदा अत्यंत महत्त्वाची आहे तिचा अभ्यास वेळोवेळी करून अगदी पुढील काही तासांत घडणाऱ्या घटनांचे इशारे मिळू शकतात आणि त्याआधारे प्रशासनाला प्रतिबंधात्मक कार्यवाही करणे शक्य होते. यंत्र शिक्षण प्रणाली वापरून नवीन आणि कल्पक किंवा नावीन्यपूर्ण प्रारूपे निर्माण करून शहरात देखरेख ठेवता येते आणि शहरे सुरक्षित ठेवून शहरातील नागरिकांना सुरक्षितता बहाल करता येते.

-डॉ. किशोर कुलकर्णी