उज्जनच्या माधव कॉलेजमधून इंटर झाल्यावर नरेश मेहता पुढील शिक्षणासाठी काशीला आले. तिथे केशवप्रसाद मिश्र आणि आचार्य विश्वनाथ प्रसाद मिश्र यांसारख्या शिक्षकांनी त्यांना वैदिक साहित्य आणि परंपरा याविषयी जागृत केले. त्यांनी १९४२च्या स्वातंत्र्यलढय़ात आणि विद्यार्थी आंदोलनातही सहभाग घेतला. मग काही वर्षे कम्युनिस्ट पार्टीचे काम केले. १९४६ मध्ये शिकत असतानाच वाराणसीतून प्रकाशित होणाऱ्या ‘दैनिक आज’ आणि ‘संसार’मध्ये काम केले. काही काळ गांधी प्रतिष्ठानचे काम बघितले आणि नंतर राष्ट्रीय मजदूर काँग्रेसचे मुख्य साप्ताहिक ‘भारतीय श्रमिक’चे मुख्य संपादक म्हणूनही काम केले. लखनौ आणि नंतर नागपूर आकाशवाणीवर ते कार्यरत होते. पण १९५६ मध्ये त्यांनी नोकरीचा राजीनामा दिला आणि केवळ लेखन करायचे ठरवले. हे सोपे नव्हते. पण पत्नी महिमा हिच्या पूर्ण पाठिंब्यामुळेच हे शक्य झाले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
