कुतूहल : पृथ्वीवरील महासागर

भूतलावरील जवळजवळ एकपंचमांश भाग व्यापणाऱ्या अटलांटिक महासागराचे एकूण क्षेत्रफळ १०६.४ दशलक्ष चौरस किलोमीटर असून हा जगातील दुसरा मोठा महासागर आहे. इंग्रजी ‘एस’ आकाराच्या अटलांटिकच्या पश्चिमेला अमेरिका आणि पूर्वेला युरोप व आफ्रिका खंड आहेत. हा महासागर उत्तरेला आक्र्टिक महासागराला मिळतो. नैर्ऋत्येला प्रशांत, आग्नेयेला हिंदी तर दक्षिणेला दक्षिणी महासागर यांना मिळतो. विषुववृत्तामुळे त्याचे दक्षिण व उत्तर अटलांटिक महासागर या दोन भागांमध्ये विभाजन होते.

आणखी वाचा

फ्लेमिंगोंच्या अधिवासात रस्ता नको, राज्य सरकारच्या पाहणी पथकाच्या अहवालात खाडीकिनारचा रस्ता बंद करण्याची शिफारस

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Maharashtra Weather Update : थंडीत आणखी वाढ होणार ? जाणून घ्या, उत्तर महाराष्ट्र, मध्य महाराष्ट्रासाठीचा अंदाज

दुबईचा व्हिसा मिळवताना भारतीय पर्यटकांना अडचणी का येत आहेत? काय आहेत नवे नियम?

पुण्याच्या पाण्याचे नियंत्रण जाणार जलसंपदा विभागाच्या ताब्यात? नक्की काय आहे कारण !

विश्लेषण : अटल सेतूकडे वाहनचालकांची पाठ? वाहनांची संख्या रोडावली का?

विदर्भातील हिरवी मिरची थेट दुबईच्या बाजारात

देशातील ६० जिल्हे नक्षलमुक्त ? जाणून घ्या, देशातील नक्षलवादाची स्थिती

भारताच्या दक्षिणेकडे असणारा हिंदी किंवा भारतीय महासागर हा जगातील तिसरा मोठा महासागर असून त्यात सुमारे २० टक्के पाणी आहे. त्याच्या पश्चिमेला पूर्व आफ्रिका, पूर्वेससुद्धा बेटे आणि ऑस्ट्रेलिया आहे, तर दक्षिणेस दक्षिण ध्रुव महासागर आहे. देशाच्या नावावरून नामाभिधान मिळणारा ‘इंडियन ओशन’ हा जगातील एकमेव महासागर आहे. अरबी समुद्र, बंगालचा उपसागर, लाल समुद्र, चिनी समुद्र व पर्शियन आखात हे या महासागराचे भाग आहेत. या समुद्रात मादागास्कर, मालदीव, मॉरिशस, श्रीलंका आणि इंडोनेशियाचे द्वीप समूह तसेच अंदमान-निकोबार, लक्षद्वीप बेटे आहेत.

दक्षिणी महासागर किंवा दक्षिण ध्रुवीय महासागर म्हणजेच अंटाक्र्टिका खंडाला चारही बाजूने पूर्णपणे वेढलेला अंटाक्र्टिक महासागर होय. आक्र्टिक महासागर हा उत्तर ध्रुवाभोवतालचा सुमारे १४ कोटी २४ लाख ४९३६ चौरस किलोमीटरचा महासागर! त्याच्याभोवती रशिया, अलास्का, कॅनडा, ग्रीनलँड, आइसलँड, नॉर्वे, स्वीडन व फिनलँड हे देश आहेत. अति थंडीमुळे या महासागराचा बराचसा भाग कायमस्वरूपी बर्फाच्या स्वरूपात असतो. उरलेल्या भागात वर्षांचे काही महिने पाणी असते. या पाण्याखालील भूभागात खनिज तेल आणि नैसर्गिक वायूचे साठे आहेत.

– प्राचार्य डॉ. किशोर पवार

मराठी विज्ञान परिषद

ईमेल : office@mavipa.org

संकेतस्थळ : www.mavipa.org