समुद्र वैज्ञानिक होण्यासाठी केवळ समुद्राची आवड असणे, अपुरे आहे. त्यासाठी स्नातकोत्तर शिक्षण घेणे आवश्यक आहे. शास्त्र शाखेतून बारावी उत्तीर्ण झाल्यावर वनस्पती किंवा प्राणीशास्त्र, तसेच लाइफ सायन्सच्या अभ्यासानंतर, एमएस्सीला मरिन सायन्स हा विषय घेता येतो. दोन वर्ष मान्यताप्राप्त विद्यापीठातून किंवा सेंट्रल इन्स्टिटय़ूट ऑफ फिशरीज एज्युकेशन यांसारख्या अभिमत विद्यापीठातून उत्तीर्ण झाल्यावर संशोधकाच्या भूमिकेतून प्रशिक्षण घेता येते. विद्यावाचस्पती पदवीसाठी भरीव संशोधन करावे लागते. या प्रवासात समुद्रविज्ञानाच्या ज्ञानाचा आवाका वाढत जातो. शासनाच्या काही संस्थांतून वैज्ञानिक म्हणून, विद्यापीठात प्राध्यापक पदावर, मत्स्यालयात अथवा एनजीओमध्ये कार्यरत होता येते. पाणबुडयाचे प्रशिक्षण घेतल्यास तलस्थ सजीवांचा उत्तम अभ्यास करता येतो. आंतरराष्ट्रीय शोध मोहिमेत काम करताना परदेशी भाषा येत असल्यास इतरांशी संपर्क साधणे सोपे होते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
