भाषासूत्र : तळपायाला खाज नाही अन् आतडय़ाला लाज नाही..

काही म्हणी अनाहूतपणे ओठांवर येतात ! पण शरीर शास्त्राचे सूक्ष्म निरीक्षण नोंदवून जातात. आपल्या शरीरातला फक्त एक भाग असा आहे की त्याला सहसा कधी ‘खाज’ येत नाही. आणि तो म्हणजे ‘तळपाय’. आणि एक नातेही असे आहे की त्या नात्यासाठी काहीही कष्ट घेताना आपल्याला ‘लाज’ वाटत नाही. कारण ते नाते आपल्या आतडय़ाचे असते, जसे आई आणि मुलाचे. या नात्याला जपताना, त्याची शी-शू काढताना आईला कसलेही कष्ट पडत नाहीत, त्रास होत नाही, कसलाही मोबदला तिला नको असतो. ती हे सारे स्वान्तसुखाय करत असते. तळपायाला जशी ‘खाज’ येत नाही, तशी या आतडय़ाच्या नात्याच्या आड कसलीही ‘लाज’ आडवी येत नाही. कारण कातडय़ापेक्षा आतडय़ाची, अंत:करणाची ओढ कितीतरी पटींनी जास्त असते. हेच ही म्हण सुचवून जाते.

आश्चर्य वाटले ते याचे की म्हणी माणसाच्या जीवनाशी काही काही वेळेला इतक्या एकरूप होऊन जातात, की त्या कितीतरी वेळेला अनाहूतपणे ओठावरती येतात. पमाक्कांच्या ओठांवर आली, तशा !

– डॉ. माधवी वैद्य madhavivaidya@ymail.com