गुरांना रोखण्यासाठी रेल्वे मार्गावर कुंपण;पायाभूत सुविधांकडे दुर्लक्ष केल्याबद्दल प्रवाशांमध्ये नाराजी

पश्चिम रेल्वेच्या ६२२ किलोमीटर मार्गावर दोन्ही बाजूने मेटल बीमचे कुंपण घालण्यात येणार आहे. एकूण २४५.२६ कोटींच्या या कामाची घोषणा केंद्रीय रेल्वेमंत्री अश्विनीकुमार वैष्णव यांनी केली असून मे २०२३ पर्यंत हे कुंपणाचे काम पूर्ण करण्यात येणार आहे.   यासाठी निविदा प्रक्रिया जारी करण्यात आली असल्याचे रेल्वेतर्फे माहिती देण्यात आली आहे. या चांगल्या गोष्टी घडत असताना वैतरणा ते डहाणू दरम्यान रेल्वे स्थानक वाढत्या गर्दीच्या अनुषंगाने पादचारी जिने, सरकते जिने, उद्वाहन, शौचालय, पिण्याच्या पाण्याची सुविधा, इंडिकेटर, कोच पोजिशन इंडिकेटर इत्यादी सुविधा  अपूर्ण आहेत, असे प्रवाशांचे म्हणणे आहे.  

आणखी वाचा

“…तर चंद्रपूर वीज केंद्रातील दोन संच बंद करू,” मुनगंटीवार यांचा इशारा

…तर औषधाची गरजच नाही! वाचा निरोगी आयुष्य जगण्यासाठी…

२१०० कोटींचा तुळजाभवानी तीर्थक्षेत्र विकास आराखडा मान्यतेसाठी मुख्यमंत्र्यांकडे सादर, आमदार पाटील यांची माहिती

वाकडमधील अनधिकृत बांधकामांवर हातोडा; १३७ शेड, १८ घरे जमीनदोस्त

ठाणे पुर्व सॅटीसवरील व्यापारी संकुल दिड वर्षात खुले होणार; व्यापारी संकुलातील आठ मजले रेल्वे देणार भाड्याने

दिवा रेल्वे पादचारी पुलावरील गर्दीचा ताण कमी होणार! ;मध्य रेल्वेकडून पुलाच्या रुंदीकरणाच्या कामाला सुरुवात

ठाणे आणि भिवंडी शहरातील अंतर कमी होणार; कासारवडवली ते खारबाव खाडीपुलासह जोडरस्ता प्रकल्पाची आखणी

बदलापूर : रासायनिक सांडपाणी वाहिनीचा प्रश्न सुटणार! १२८ कोटींच्या भुयारी गटार योजनेला सुरुवात, जुनी वाहिनी बदलणार

सातवेळा अपघात

मुंबई-अहमदाबाद दरम्यान ३० सप्टेंबरपासून सुरू  झालेली वंदे भारत एक्सप्रेस ही सेमी हायस्पीड ट्रेन प्रवाशांच्या आकर्षणाचा केंद्र ठरली आहे.मात्र सुरवातीपासूनच या ट्रेनला अपघातांचे ग्रहण लागले आहे. ही ट्रेन धावत असताना आत्तापर्यंत गुजरात राज्यात ट्रेनच्या मार्गात अचानक शेतकऱ्यांची गुरे आल्याने सात वेळा अपघात झाले आहेत.या अपघातांमध्ये प्रवाशांना सुदैवाने कोणतीही ईजा झाली नसली तरी ट्रेनच्या पूढील भागाचे मात्र मोठे नुकसान झाले होते.

उपनगरीय क्षेत्रात कुंपण घालण्यास अडचण

डहाणू ते वैतरणा पट्टय़ात  रेल्वे मार्गाच्या पूर्वेला समर्पित मालवाहूसाठी दोन मार्गिका, तर पश्चिम बाजूस उपनगरीय रेल्वे चौपदरीकरण काम सुरू असल्याने या भागात सहा मार्गिका समांतर टाकल्या जाणार आहेत. चौपदरीकरण प्रकल्पात अजूनही भूसंपादन प्रलंबित असल्याने मेटल बीम कुंपणाचे संरक्षण उभारणे आव्हानात्मक ठरणार आहे.

डहाणू ते वैतरणामधील स्थानकांत  इंडिकेटर्स, अद्ययावत स्वच्छतागृहे नाहीत,  सरकते जिने, उद्वाहन तसेच पावसाळी छप्पर नाही. डहाणू ते वैतरणा चौपदरीकरणाचा प्रकल्प पूर्ण होण्याची तारीख मार्च  २०२२ पासून मार्च २०२७ पर्यंत पुढे गेली आहे. डहाणू -नाशिक रेल्वे मार्ग लाल फितीत अडकून पडला आहे. हे सगळे अपूर्ण प्रकल्प आणि मूळ सुविधांना आधी प्राधान्य देणे आवश्यक आहे. 

हितेश सावे, डहाणू वैतरणा प्रवासी सेवाभावी संस्था