शेतात आगडोंब… भाताचे उडवे खाक

एकीकडे अवकाळी पावसाने शेतकरी हवालदील झालेला असतानाच दुसरीकडे वाडा तालुक्यातील चांबले गावात गेल्या दोन दिवसापूर्वी एका शेतकऱ्याचे भाताचे भारे पेटवून देण्याची घटना ताजी आहे. शुक्रवारी (१ डिसेंबर) ला रात्री गातेस येथील एका शेतकऱ्याचे खळ्यात झोडणीसाठी ठेवलेले ९०० भाताचे भारे अज्ञाताने पेटवून दिल्याची घटना घडल्याने तालुक्यात शेतकऱ्यांमध्ये खळबळ उडाली आहे. भीतीचे वातावरण निर्माण झाले आहे.

आणखी वाचा

मावळचे वातावरण तापले! तालुक्यातून १०१ गुन्हेगार हद्दपार

महायुतीला सत्ता मिळाली, लाडक्या बहिणींना २१०० रुपये कधीपासून…

पिस्तूल बाळगणारा सराइत गजाआड, कात्रज बाह्यवळण रस्ता परिसरात कारवाई

वाहतूक पोलिसांना धक्काबुक्की करणाऱ्या दाम्पत्याविरुद्ध गुन्हा, कारवाई टाळण्यासाठी बनावट वाहन क्रमांकाची पाटी

नागपूर : बंद वाहतूक सिग्नल; वाहनचालकांना मन:स्ताप, महापालिका-वाहतूक पोलिसांचे दुर्लक्ष

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

कल्याणमध्ये रस्ते, पदपथ अडवून हातगाडीवर खाद्यपदार्थ विकणाऱ्यांवर पोलिसांकडून गुन्हे

हेही वाचा… भारत नेट योजनेत कोट्यावधीचे नुकसान, तीन वर्षांपासून इंटरनेट सेवेत अडथळे

गेल्या दोन दिवसापूर्वी चांबले गावातील शेतकरी दशरथ बाळू पाटील यांच्या भाताचे पीक ठेवण्यासाठी तयार करण्यात आलेल्या खळ्यात ठेवण्यात आलेले ६०० भाताचे भारे अज्ञात व्यक्तीने पेटवून दिल्याची घटना घडली होती ही घटना ताजी असतानाच शुक्रवारी माध्यरात्री नंतर तालुक्यातील गातेस (खुर्द) गावातील शेतकरी श्याम अप्पा पाटील यांच्या घराजवळ ठेवण्यात आलेले ९०० ते एक हजार भाताचे भारे अज्ञात व्यक्तीने पेटवून दिल्याची घटना घडल्याने तालुक्यात खळबळ उडाली आहे. श्याम पाटील यांच्या कुटुंबीयांनी व गावातील नागरिकांनी भाताच्या भाऱ्यांना लागलेली आग रात्रभर विझविण्याचा प्रयत्न केला.

मात्र शनिवारी सकाळपर्यंत ही आग धुमसत होती. कोणी अज्ञात व्यक्तीने भाऱ्यावर पेट्रोल टाकून ही आग लावली असावी असा संशय पाटील कुटुंबाने व्यक्त केला आहे. वाडा पोलिसांनी रात्रीच्या वेळी गस्त वाढविण्याची मागणी नितेश पाटील यांनी केली आहे. या आगीत श्याम पाटील यांचे दीड ते दोन लाखांचे आर्थिक नुकसान झाले आहे. या दोन्ही घटना घडल्या त्या ठिकाणी वाडा पोलिसांनी घटनास्थळी जाऊन पंचनामा केला असून अज्ञाता विरोधात गुन्हा दाखल करण्यात आला आहे. या संदर्भात वाडा पोलीस अधिक तपास करीत आहेत.