देशभरात आज लोकसभा निवडणुकीच्या तिसऱ्या टप्प्यातील मतदान पार पडत आहे. पुणे, बारामतीमधील नागरिकांसोबतच मराठी चित्रपटसृष्टीतील काही कलाकारांनी मतदान करत त्यांचा हक्क बजावला आहे. मराठी कलाकार सागर देशपांडे याने मतदान करत हक्क बजावला आहे. सागर देशपांडेने 'व्यक्ती आणि वल्ली'मध्ये पु.ल. देशपांडे यांची व्यक्तीरेखा साकारली होती. 
'सारेगम'फेम आर्या आंबेकर पुण्याची रहिवासी असून तिनेदेखील मतदान केलं आहे. -
लोकसभा निवडणुकीसाठी पुणे शहरात उत्साहात मतदानाला प्रारंभ झाला आहे. पहिल्या दोन तासांत सुमारे १२ ते १५ टक्के मतदान झाले आहे. अभिनेता सुयश टिळकनेही पुण्यात मतदानाचा हक्क बजावला. यावेळी त्याने चाहत्यांनाही मतदानाचा हक्क बजावण्याचा संदेश दिला.
'फॅशन' चित्रपटातून बॉलिवूडमध्ये पदार्पण करणारी अभिनेत्री मुग्धा गोडसेने मतदान केल्यानंतर सोशल मीडियावर फोटो शेअर केला आहे. 
आजवर आपल्या अभिनयामुळे प्रेक्षकांना भुरळ घालणाऱ्या सुबोध भावेनेदेखील मतदान केलं आहे.
Skoda Kylaq :स्कोडाचा भारतीय मार्केटमध्ये धमाका! फक्त आठ लाखांत लाँच केली SUV; २५ सुरक्षा फीचर्समुळे अधिक सुरक्षित होईल
