-
यंदा १८ व्या लोकसभेसाठी निवडणूक होत आहे. एकूण सात टप्प्यांमध्ये निवडणूक होणार आहे. या निवडणुकांचा पहिला टप्पा आज पार पडत आहे. (प्रातिनिधीक फोटो)
-
एकूण ९.२० कोटी मतदार असलेल्या महाराष्ट्रात पहिल्या टप्प्यात खालील पाच जागांवर कोणत्या उमेदवारांमध्ये होतेय लढत हे जाणून घेऊया. (प्रातिनिधीक फोटो)
-
महाराष्ट्रात पहिल्या टप्प्यात विदर्भातील ५ मतदारसंघांत निवडणूक होत आहे. विदर्भातील रामटेक, नागपूर, भंडारा-गोंदिया, गडचिरोली-चिमूर आणि चंद्रपूर या पाच लोकसभा मतदारसंघांचा यात समावेश आहे. (प्रातिनिधीक फोटो)
-
नागपूरमध्ये भाजपाचे नितीन गडकरी विरूद्ध काँग्रेसचे विकास ठाकरे यांचा सामना आहे. या टप्प्यात केंद्रीय रस्ते व वाहतूक मंत्री नितीन गडकरी नागपूरमधून जिंकले तर त्यांच्या विजयाची हॅट्ट्रिक होईल.
-
नागपूर जिल्ह्यातील नागपूर इतकाच अत्यंत महत्त्वाचा ठरणारा मतदारसंघ म्हणजे रामटेक. येथे महायुतीचे राजू पारवे विरुद्ध महाविकास आघाडीचे श्यामकुमार बर्वे यांच्यात लढत आहे.
-
चंद्रपूर लोकसभा मतदारसंघात भाजपाने वनेमंत्री सुधीर मुनगंटीवार यांना रिंगणात उतरविले आहे. काँग्रेसने दिवंगत खासदार बाळू धानोकर यांच्या पत्नी व आमदार प्रतिभा धानोरकर यांना उमेदवारी दिली आहे.
-
गडचिरोली-चिमूर मतदारसंघात भाजपाकडून विद्यमान खासदार अशोक नेते आणि महाविकास आघाडीचे उमेदवार डॉ. नामदेव किरसान यांच्यात थेट लढत होत आहे.
-
भंडारा-गोंदिया येथे भाजपाचे सुनील मेंढे महायुतीचे उमेदवार आहेत. तर महाविकास आघाडीतर्फे काँग्रेसचे डॉ. प्रशांत पडोळे रिंगणात आहेत.
-
या सर्वांमध्ये कोण काणाला पराजीत करणार? हे निवडणूक निकालानंतरच स्पष्ट होणार आहे. या मतदानाची ४ जून २०२४ रोजी मतमोजणी होईल आणि निकाल जाहीर केला जाईल. (फोटो साभार- भारतीय निवडणूक आयोग)
अमेरिकेत शिकतेय प्रसिद्ध अभिनेत्याची एकुलती एक लेक; म्हणाला, “मी २० तास प्रवास करून गेलो अन् ती…”
