-
“नरेंद्र मोदी यांनी मला उद्देशून ‘अतृप्त भटकता आत्मा’ अशी टीका केली. यामध्ये आश्चर्य करण्यासारखे काहीच नाही.”
-
“नरेंद्र मोदी यांच्या इतकी पंतप्रधान पदाची अप्रतिष्ठा कधीच झाली नाही,” अशी टीका राष्ट्रवादी काँग्रेसचे नेते शरद पवार यांनी कोल्हापूर येथे केली.
-
पत्रकारांशी संवाद साधताना ते म्हणाले की, “मी पंडित जवाहर नेहरूंना पाहिले आहे. इंदिरा गांधी यांच्यापासून नंतरच्या सर्वच पंतप्रधानांची भाषणे ऐकली आहेत. परंतु अतृप्त आत्मासारखे शब्द नरेंद्र मोदी वापरतात तेव्हा त्यात काही आश्चर्य नसते. कारण मोदी यांच्या इतकी पंतप्रधान पदाची अप्रतिष्ठा कोणीच केलेली नाही.”
-
पंतप्रधान पदाचा निर्णय एकत्रित
-
इंडिया आघाडीचे सरकार देशात आले तर पाच वर्षांत पाच पंतप्रधान होतील, अशी टीका मोदी यांनी सभांमधून चालवली आहे.
-
याबाबत पवार म्हणाले , “१९७७ मध्ये काँग्रेस पराभूत झाली. तेव्हा विरोधकांचा नेता कोण? असा प्रश्न होता. सर्वांनी एकत्रित येऊन मोरारजी देसाई यांची पंतप्रधानपदी निवड केली होती.”
-
“आताही इंडिया आघाडीचे सरकार येणार असल्याने मतदान झाल्यावर सर्वजण एकत्र बसून एकमताने पंतप्रधान पदाचा निर्णय घेऊ.” असे पवार म्हणाले.
-
“लोकसभा निवडणुकीमध्ये अपेक्षित जागा मिळाल्या नाहीत तर मुख्यमंत्री एकनाथ शिंदे, उपमुख्यमंत्री अजित पवार यांना भाजपाकडून काही धोका होऊ शकतो का?, असा प्रश्न उपस्थित केला असता शरद पवार म्हणाले, भाजाची राजकीय नीती पाहता ते मित्र पक्षांना मोठे होऊ देत नाहीत. त्यामुळे लोकसभा निवडणुकीत अपेक्षित निकाल लागला नाही तर भाजप त्यांना जागा दाखवून देईल.” असे पवार म्हणाले.
-
(सर्व फोटो साभार- शरद पवार, फेसबुक पेज)
VIDEO: “खंडोबाला नवस केला लाखात एक पोरगा भेटू दे मला” पाहुण्यांसमोर नवरीने केला असा डान्स की नवरदेव झाला लाजून लाल
