संजय राऊत यांनी एवढा गंभीर आरोप केला आहे. त्यांच्याकडे व्हिडीओ आहेत, तर त्यांनी पोलिसांत तक्रार का नाही दाखल केली? असाही सवाल संजय शिरसाट यांनी विचारला. परंतु मुख्यमंत्र्यांवर टीका करून एक चित्र निर्माण करण्याच्या प्रयत्न केला जात आहे, असा आरोप संजय शिरसाट यांनी केला.
पैशांच्या बॅगा अशा उघडपणे नेल्या जात नाहीत, हे सांगताना संजय शिरसाट यांनी मातोश्रीवर बॅगा पोहोचवल्या असल्याचा दावा केला. ते म्हणाले, पैशांच्या बॅगा अशापद्धतीने नेल्या जात नाहीत. आम्हीदेखील मातोश्रीवर बॅगा पोहोचवल्या पण त्या अशा उघडपणे नाही पोहोचवल्या. मातोश्रीवर बॅगा पोहोचवल्याचे व्हिडीओ तुम्हाला पाहायचे आहेत का? कुठल्या टेम्पोतून किंवा कुठल्या गाडीतून पैसे आले? हे सर्वांना माहीत आहे, याचे उत्तर कसे देणार? असाही प्रश्न संजय शिरसाट यांनी उपस्थित केला.
