‘फुकरे’ आले रे..

1/6

पुलकित सम्राट, वरुण शर्मा, मनज्योत सिंग, अली फजल आणि रिचा चड्ढा यांच्या मुख्य भूमिका असणारा ‘फुकरे रिटर्न्स’ १५ डिसेंबरला प्रेक्षकांच्या भेटीला येतोय. नुकतेच या चित्रपटातील कलाकारांच्या व्यक्तिरेखा दर्शवणारे पोस्टर्स प्रदर्शित करण्यात आले.

2/6

दिल्लीमध्ये राहणाऱ्या चार तरुणांच्या आयुष्याभोवती या चित्रपटाचं कथानक फिरणार असून, यामध्ये आता जेलमध्ये गेलेल्या ‘भोली पंजाबन’ म्हणजेच रिचा चड्ढाची शिक्षा आता संपली आहे. ती या मित्रांच्या टोळीसमोर आता कोणत्या अडचणी उभ्या करते हे पाहणं महत्त्वाचं ठरणार आहे.

3/6

आतापर्यंत ‘उम्मीद पे दुनिया कायम है…’ असं म्हणत आलेल्यांना या चित्रपटातून एक नवा मंत्र देण्यात आला आहे. तो मंत्र म्हणजे, ‘उम्मीद पे नही, जुगाड पे दुनिया कायम है.’

4/6

२०१३ मध्ये प्रदर्शित झालेल्या ‘फुकरे’च्या या सिक्वलमध्ये ‘चूचा’, ‘लाली’ यांच्यातील धमाल विनोदी संवाद, मित्रांना पेचात पाडणारी मास्टर चूचाही भविष्यवाणी या गोष्टी पुन्हा नव्याने सादर करण्यात येतील.

5/6

मोठ्या आत्मविश्वासाने जुगाड करणाऱ्या या मित्रांचा प्रवास नेमका कसा असणार आहे याचंच उदाहरण या चित्रपटातून आपल्याला पाहता येणार आहे.

6/6

रितेश सिधवानी आणि फरहान अख्तर यांची निर्मिती असलेला हा चित्रपट १५ डिसेंबरला प्रेक्षकांच्या भेटीला येणार आहे. त्यामुळे या वर्षाच्या शेवटी प्रेक्षक एका फन राइडचे साक्षीदार होणार आहेत असं म्हणायल हरकत नाही.