-
नाटक, मालिका आणि चित्रपट अशा विविध माध्यमांमध्ये आपल्या अभिनयाचा ठसा उमटवणारी अभिनेत्री प्रिया बापट. (सर्व फोटो सौजन्य – प्रिया बापट इन्स्टाग्राम)
-
मागच्यावर्षी नागेश कुकुनूर यांच्या ‘सिटी ऑफ ड्रीम्स’ या हिंदी वेबसीरिजमधून प्रिया बापटने डिजिटल माध्यमामध्ये पदार्पण केले.
-
'सिटी ऑफ ड्रीम्स’ या सीरिजमध्ये प्रियाने पौर्णिमा गायकवाड या कणखर आणि महत्वकांक्षी मुलीची व्यक्तिरेखा साकारली होती.
-
प्रियाने आतापर्यंत साकारलेल्या प्रत्येक भूमिकेला एका वेगळ्याच उंचीवर नेऊन ठेवले आहे. मात्र व्यक्तिगत जीवनात प्रियाची प्रतिमा एक अवखळ मुलगी अशी आहे.
-
१८ सप्टेंबर १९८६ साली मुंबईमध्ये जन्म झालेल्या प्रियाने प्रामुख्याने मराठी चित्रपट, नाटके आणि दूरचित्रवाणी मालिकांमध्येही काम केलं आहे.
-
‘आनंदी आनंद’, ‘शुभंकरोती’ या मालिकांमधून घराघरात पोहोचलेल्या प्रियाने ‘काकस्पर्श’ या चित्रपटातून आपल्या अभिनयाचा नवा ठसा उमटविला.
-
‘वजनदार’, ‘आम्ही दोघी’, ‘हॅपी जर्नी’, ‘टाइम प्लीज’ या चित्रपटांमधील तिच्या भूमिकाही विशेष गाजल्या.
-
मराठी चित्रपटांप्रमाणेच प्रियाने ‘मुन्नाभाई एम.बी.बी.एस’, ‘लगे रहो मुन्नाभाई’ या हिंदी चित्रपटामध्येही छोटेखानी भूमिका पार पाडली आहे.
-
‘अधुरी एक कहाणी’ आणि मग झी मराठी वाहिनीवरील ‘सारेगमप’ मध्ये केलेल्या निवेदिकेच्या भूमिकेमुळे ती घराघरात पोहचली.
-
‘नवा गडी.. नवं राज्य’ या मराठी नाटकामध्ये आघाडीच्या भूमिकेत चमकली आहे.
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
