-
लॉकडाउनच्या काळात घरात बसलेल्या नागरिकांचं मनोरंजन व्हावं यासाठी दूरदर्शन या वाहिनीवर रामायण आणि महाभारत या मालिकां पुन्हा दाखविल्या जात आहेत. या मालिकांप्रमाणेच ९० च्या दशकातील अशा अनेक मालिका आहेत ज्यांनी प्रचंड लोकप्रियता मिळविली होती. मात्र आज या मालिका टीव्हीवर पाहणं शक्य नसलं तरी असे अनेक अप आहेत, ज्यावर आजही या मालिका पाहायला मिळतात. चला तर पाहुयात आपल्या आवडत्या मालिका कुठे पाहायला मिळतील. ( सौजन्य : सर्व फोटो सोशल मीडिया/ इंडियन एक्स्प्रेस)
मालगुडी डेज – ९० च्या दशकातील सर्वाधिक पाहिली जाणारी आणि तितकीच लोकप्रिय असलेली मालिका म्हणजे मालगुडी डेज. या मालिकेला प्रेक्षकांचं प्रचंड प्रेम मिळालं. मात्र आता ही मालिका टीव्हीवर दाखविली जात नाही. मात्र या मालिकेच्या चाहत्यांसाठी ‘अॅमेझॉन प्राइम व्हिडीओ’ ही मालिका उपलब्ध आहे. त्यामुळे ही मालिका प्रेक्षक कधीही पाहू शकतात. 
जबान संभाल के- प्रेक्षकांना खळखळून हसायला लावणारी मालिका म्हणजे ‘जबान संभाल के’. अभिनेता पंकज कपूर या मालिकेत मुख्य भूमिके झळकले होते. ही मालिका त्यावेळी प्रचंड गाजली होती. पंकज कपूर यांच्यसोबत शोभा खोटे, टॉम आल्टर आणि अन्य बरेच कलाकार झळकले होते. ही मालिकाही आता तुम्ही अॅमेझॉन प्राइमवर पाहू शकता. 
ऑफिस ऑफिस- ९० च्या दशकातील लोकप्रिय मालिकांपैकी एक मालिका म्हणजे ‘ऑफिस ऑफिस’. दैनंदिन जीवनात ऑफिसमध्ये घडणाऱ्या घडामोडी या मालिकेत मजेशीर अंदाजात दाखविण्यात आल्या आहेत. ही मालिका आता SONY LIV वर पाहायला मिळून शकते. यात पंकज कपूर मुख्य भूमिकेत झळकले आहेत. 
फौजी- ‘फौजी’ या मालिकेत अभिनेता शाहरुख खान झळकला होता. त्यामुळे करिअरच्या सुरुवातीच्या काळात शाहरुखचा अभिनय कसा होता हे या मालिकेतून पाहायला मिळेल. ही मालिकादेखील मालगुडी डेज प्रमाणेच ‘अॅमेझॉन प्राइम व्हिडीओ’वर उपलब्ध आहे. 
शरारत- अनेकांना परिकथेत रमायला आवडतं. अशा परिकथांमध्ये रममाण होणाऱ्यांसाठी शरारत ही मालिका अगदी योग्य आहे. जिया आणि तिची नानी यांच्याभोवती ही कथा फिरत असून जीया, तिची आई आणि आजी या तिघीही परी असतात. त्यामुळे जादूच्या जोरावर या अनेक मजेदार गोष्टी करतात. मात्र जिया जादू नुकतीच शिकत असल्यामुळे तिच्याकडून अनेक चुकाही होतात. मात्र जियाच्या याच चुका प्रेक्षकांना हसायला भाग पाडतात. ही मालिका सध्या ‘हॉटस्टार’वर उपलब्ध आहे. 
शकालाकाल बुम बुम- ही मालिका ९० च्या दशकातील मुलं अजिबात विसरु शकत नाहीत. संजू आणि त्याच्या जादूची पेन्सिल यावर ही मालिका आधारित होती. विशेष म्हणजे संजूप्रमाणेच अशी जादूची पेन्सिल आपल्याला मिळावी अशी त्याकाळी प्रत्येक लहान मुलाची इच्छा असे. त्यामुळे हा पेन्सिल बाजारातही उपलब्ध झाल्या होत्या. इतकी या मालिकेची क्रेझ होती. जर ही मालिका तुम्हाला पुन्हा एकदा पाहायची असेल तर ती ‘हॉटस्टार’वर उपलब्ध आहे. 
दिल मिल गये – ९० च्या दशकात कॉलेजजीवनात असलेल्या तरुणांच्या जवळ जाणारी मालिका म्हणजे ‘दिल मिल गये’. अभिनेता करण सिंह ग्रोवर आणि शिल्पा आनंद यांच्यामुळे ही मालिका प्रचंड गाजली. या मालिकेची आणि कलाकारांची क्रेझ आजही प्रेक्षकांमध्ये पाहायला मिळते. संजीवनी हॉस्पिटल आणि तेथील डॉक्टरांचा स्टाफ यावपर आधारित ही मालिका तुम्ही ‘हॉटस्टार’वर पाहून शकता. 
शक्तिमान- रामायण आणि महाभारतप्रमाणेच ‘शक्तिमान’ ही मालिका टीव्हीवर दाखविण्यात येणार असल्याची चर्चा आहे. मात्र गंगाधर आणि शक्तिमानला भेटायची तुम्हाला इच्छा असेल तर ही मालिका तुम्ही त्या ‘अॅमेझॉन प्राइम’वर पाहू शकता. 
हिप हिप हुर्रे- महाविद्यालयीन तरुणांवर आधारित ही मालिका आहे. कॉलेज जीवन आणि विद्यार्थी यांच्यातील खास नातं या मालिकेत उत्तमरित्या दाखविण्यात आलं आहे. या मालिकेत अभिनेता करण वाही मुख्य भूमिकेत होता. आता करण हँडसम हंक म्हणून ओळखला जातो. मात्र त्याकाळी तो चॉकलेट बॉय म्हणून लोकप्रिय होता. ही मालिका Zee5 वर तुम्ही पुन्हा एकदा पाहू शकता.
छत्रपती शिवाजी महाराजांचा गनिमीकावा अन् मराठा लष्करी इतिहास, JNU मध्ये आता विशेष केंद्र; कधी सुरू होणार अभ्यासक्रम
