-
बॉलिवूडमध्ये अभिनेत्यांशी तुलना करता अभिनेत्रींचं करिअर फार लवकर संपतं असं म्हटलं जातं. लग्न झाल्यावर संसार सुरु झाला आणि मुलं झाली की अनेक अभिनेत्री करिअर सोडून संसारात व्यस्त होतात. पण आता करिना कपूरसारख्या अभिनेत्री या परंपरेला छेद देताना दिसत आहे. आज आपण अशाच अभिनेत्रींची चर्चा करणार आहोत ज्यांनी एक काळ बॉलिवूड गाजवलं होतं. पण आज या अभिनेत्री चित्रपटसृष्टीपासून दूर कोणत्या झगमगटाविना आयुष्य जगत आहेत. बॉलिवूडमधून अचानक गायब होणाऱ्या या अभिनेत्रींबद्दल जाणून घेऊयात.
-
अनु अग्रवाल – आशिकी चित्रपटामुळे एका रात्रीत प्रसिद्धी मिळवलेल्या अनु अग्रवालने नंतर अंगल किंग आणि खलनायिका चित्रपटांमध्ये काम केलं. १९९६ मध्ये ती शेवटची मोठ्या पडद्यावर दिसली होती. यानंतर तिचा एक मोठा अपघात झाला आणि तिने चित्रपटसृष्टी कायमची सोडून दिला. सध्या ती बिहारमधील एका विद्यापीठात योगा शिकवते अशी माहिती आहे.
-
अंतरा माळी – रामगोपाल वर्माने अंतरा माळीच्या निमित्ताने बॉलिवूडला अजून एक उर्मिला मातोंडकर देण्याचा प्रयत्न केला. पण उर्मिलाप्रमाणे अंतरा माळी यश मिळवू शकली नाही. २००५ मध्ये आलेल्या मिस्टर या मिस हा तिचा शेवटचा चित्रपट होता. त्यानंतर ती कोणत्याही चित्रपट किंवा टीव्ही शोमध्ये दिसली नाही.
-
मिनाक्षी शेषाद्री- मिनाक्षी शेषाद्रीने बॉलिवूडमधील जवळपास ८० चित्रपटांमध्ये काम केलं आहे. दामिनी सारख्या चित्रपटांमधील तिचा अभिनय आजही प्रेक्षकांच्या लक्षात आहे. १९९० मधील आघाडीच्या अभिनेत्रींपैकी एक असणारी मिनाक्षी शेषाद्री अचानक चित्रपटसृष्टीतून गायब झाली. मिनाक्षी शेषाद्री लग्नानंतर अमेरिकेत स्थायिक झाल्याचं बोललं जातं.
-
ममता कुलकर्णी – ९० च्या दशकातील बॉलिवूडमधील सेक्सी आणि आघाडीची अभिनेत्री म्हणून ममता कुलकर्णीला ओळखलं जातं. पण नंतर तिने अध्यात्मिक मार्गाचा स्विकार केला. अध्यात्मावर तिने पुस्तकही लिहिलं आहे. एका मुलाखतीत तिने आपण ड्रग्जचा व्यवसाय करणाऱ्या विकी गोस्वामीच्या जाळ्यात अडकल्याचं मान्य केलं होतं. पण त्याच्याशी लग्न केलं नाही असं सांगितलं होतं. तिच्याविरोधाते पोलिसांकडून समन्सही जारी करण्यात आलं होतं. ममता कुलकर्णी बॉलिवूडपासून सध्या लांबच आहे.
-
मयुरी कांगो – मयुरी कांगोची ओळख फक्त एका गाण्यापुरती मर्यादित राहिली आहे ते म्हणजे 'घर से निकलते ही'…पापा केहते है या चित्रपटातील गाण्याने मयुरीला चांगलीच प्रसिद्धी मिळवून दिली. चित्रपट बॉक्स ऑफिसवर फ्लॉप झाला असला तरी या गाण्यामुळे मयुरीला अनेक चित्रपटांच्या ऑफर आल्या. नंतर तिने टीव्हीकडे आपला मोर्चा वळवला. पण तिथेही अपयशच आलं. सध्या ती आपल्या संसारात व्यस्त आहे.
-
निलम – ९० च्या दशकात गोविंदासोबत अफेअरमुळे चर्चेत असणारी निलम अनेक चित्रपटांमध्ये मुख्य भूमिकेत झळकली होती. गोविंदासोबत केलेलं 'आप के आ जाने से' आणि 'हम साथ साथ है' चित्रपटातील तिची भूमिका आजही लोकांच्या लक्षात आहे. निलम चित्रपटांपासून दूर असली तरी अनेक कार्यक्रमांमध्ये सहभागी असते. अभिनेता समीर सोनीसोबत तिने लग्न केलं आहे.
-
शीबा – काही चित्रपट केल्यानंतर शीबाने टीव्हीकडे आपला मोर्चा वळवला होता. चांद के पार ही तिची शेवटची मालिका होती.
-
सोमी अली – अभिनेत्रीपेक्षाही सोमी अलीची ओळख सलमान खानची एक्स गर्लफ्रेंड अशीच आहे. सोमी अलीने संजय दत्त, ओम पुरी, सुनील शेट्टी आणि सैफ अली खान यांच्यासोबत काम केलं आहे. सलमान खानसोबत ब्रेक अप झाल्यानंतर सोमी अली फ्लोरिडाला निघून गेली. त्यानंतर ती परतलीच नाही.
-
सोनू वालिया – आपल्या सेक्सी इमेज आणि सुंदरतेमुळे सोनू वालियाला सुरुवातीला अनेक चित्रपट मिळाले. राकेश रोशन यांच्या 'खून भरी मांग' चित्रपटातील भुमिकेमुळे ती लोकांच्या लक्षात आहे. टीव्हीमध्ये काम केल्यानंतर सोनू वालिया अचानक गायब झाली.
-
किमी काटकर – ८० आणि ९० च्या दशकातील सेक्सी अभिनेत्रींचं नाव घेतलं तर त्यामध्ये किमी काटकरचं नाव नाही हे शक्यच नाही. फोटोग्राफर आणि अॅड फिल्ममेकर शंतनू शोरे याच्यासोबत लग्न केल्यानंतर तिने बॉलिवूडमधून संन्यास घेतला.
-
ग्रेसी सिंग – लगानसारख्या सुपरहिट चित्रपटातून ग्रेसी सिंगने बॉलिवूडमध्ये पदार्पण केलं होतं. सोबत आमीर खान असल्याने एका रात्रीत तिला प्रसिद्धी मिळाली होती. यानंतर मुन्नाभाई एमबीबीएस चित्रपटातील तिची भूमिका लोकांना फार आवडली. पण तिच्या फ्लॉप चित्रपटांची यादी जास्त मोठी आहे. ग्रेसी सिंग सध्या बॉलिवूडमधून गायबच झाली आहे.
-
फराह – तबूची मोठी बहीण फराहने फासले चित्रपटातून बॉलिवूडमध्ये पदार्पण केलं होतं. २००४ मध्ये आलेल्या हलचल चित्रपटात ती शेवटची दिसली होती. यानंतर ती बॉलिवूडमधून गायबच झाली आहे.
-
भूमिका चावला – सलमान खानसोबत तेरे नाम चित्रपटातून बॉलिवूडमध्ये पदार्पण करणाऱ्या भूमिका चावलाचा साधेपणा प्रेक्षकांना खूप भावला होता. यानंतर अभिषेक बच्चनसोबत ‘रन’ आणि सलमानसोबत अजून एका चित्रपटात ती झळकली होती. योगगरु भारत ठाकूरसोबत लग्न केल्यानंतर मात्र नंतर ती बॉलिवूडमध्ये दिसली नाही.
-
आयेशा झुलका – सलमान खान, अक्षय कुमार, आमीर खानसारख्या सुपरस्टारसोबत आयेशा झुलकाने काम केलं आहे. २००६ मध्ये ती शेवटची मोठ्या पदड्यावर दिसली होती.
-
अश्विनी भावे – मराठी अभिनेत्री अश्विनी भावे यांनी ऋषी कपूर यांच्यासोबत हिना चित्रपटातून बॉलिवूडमध्ये पदार्पण केलं होतं. राज कपूर यांची हिरोईन असल्याने त्यांच्या नावाची खूप चर्चा होती. यानंतर अक्षय कुमारसोबत ‘सैनिक’ चित्रपटात ती दिसली. पण लग्नानंतर अश्विनी भावे पतीसोबत अमेरिकेत स्थायिक झाल्या. मराठी चित्रपटांमध्ये त्यांनी पुनरागमन केलं आहे. पण बॉलिवूडपासून त्या लांबच आहेत.
-
मंदाकिनी – १९८५ मध्ये आलेल्या ‘राम तेरी गंगा मैली’ चित्रपटातील बोल्ड सीनमुळे मंदाकिनीच्या नावाची खूप चर्चा गाजली. पण दाऊद इब्राहिमसोबत असलेल्या अफेअरमुळे हळूहळू ती बॉलिवूडपासून दूर होत गेली.
-
मोनिका बेदी – मोनिका बेदीचं बॉलिवूड करिअर चर्चेत राहण्याइतकं काही खास नव्हतं. पण गँगस्टर अबू सालेमसोबत असलेल्या प्रेम प्रकरणामुळे तिचं नाव चर्चेत होते. दोघेही अनेक वर्ष एकत्र होते. नंतर पोर्तुगलमधून त्यांचं भारतात प्रत्यार्पण करण्यात आलं. येथे आल्यावर तिने पुन्हा टीव्हीच्या माध्यमातून पुनरागमन करण्याचा प्रयत्न केली. बिग बॉसमध्येही ती झळकली होती. पण बॉलिवूडपासून चार हात लांबच आहे.
-
नम्रता शिरोडकर – मिस इंडिया असणारी नम्रता शिरोडकर वास्तव सारख्या अनेक चित्रपटांमध्ये झळकली होती. पण दाक्षिणात्य सुपरस्टार महेश बाबूसोबत लग्न केल्यानंतर तिने बॉलिवूडला रामराम ठोकला.
-
सोनम – सोनमला बॉलिवूडमध्ये ओळख मिळाली ती ‘ओये ओये’ गाण्यामुळे. सोनमने दिग्दर्शक राजीव राव यांच्याश लग्न केलं. सतत खंडणीच्या धमक्या मिळत असल्याने त्यांनी भारत सोडून परदेशी निघून गेले. तेव्हापासून सोनम बॉलिवूडमधून गायबच आहे.
-
भाग्यश्री – मैने प्यार किया सारख्या सुपरिहट चित्रपटातून पदार्पण केल्यानंतर पुढे यशस्वी करिअर वाट पाहत असताना आपल्या एका अटीमुळे भाग्यश्रीने तो रस्ता बंद करुन टाकला. फक्त आपल्या पतीसोबत काम करण्याची अट तिने घातल्याने तिला चित्रपट मिळणं बंद झालं. यामुळेच तिला बॉलिवूडला रामराम ठोकावा लागला.
-
गायत्री ओबेरॉय – स्वदेश चित्रपटातून शाहरुख खानसोबत पदार्पण केल्यानंतर गायत्रीसाठी बॉलिवूडचे अनेक दिग्दर्शक रांग लावून उभे होते. पण चित्रपटानंतर तिने लग्न केलं आणि बॉलिवूडमधून गायबच झाली. काही पार्ट्यांमध्ये मात्र ती आवर्जून हजेरी लावते.
-
मधू – अजय देवगणसोबत फुल और काटे चित्रपटातून मधूने बॉलिवूडमध्ये जबरदस्त एंट्री मिळवली होती. यानंतर ‘रोजा’ चित्रपटातील तिच्या भूमिकेचंही कौतुक करण्यात आलं होतं. पण मधू अचानक बॉलिवूडमधून गायब झाली. काही छोट्या मोठ्या भूमिकांमधून ती दिसते. पेज ३ पार्ट्यांनाही ती हजर असते.
-
महिमा चौधरी
-
अनिता राज – अनिता राजने एकेकाळी बॉलिवूड गाजवलं होतं. ८० आणि ९० च्या दशकात तिने अनेक तरुणांच्या मनावर राज्य केलं. तिच्या काळातील जवळपास सर्व मोठ्या अभिनेत्यांसोबत तिने काम केलं. पण नंतर तिच्या करिअरची घसरण सुरु झाली. आता ती बॉलिवूड चित्रपटांमध्ये अजिबात दिसत नाही.
-
मिनिषा लांबा – बॉलिवूडमधील क्यूट गर्ल म्हणून मिनिषा लांबाला ओळखलं जात होतं. पण एका सर्जरीमुळे तिचं करिअरच संपलं. बॉलिवूडमध्ये सध्या ती दिसतच नाही.
-
आयेशा टाकिया – मिनिषा लांबाप्रमाणे आयेशानेही सर्जरी करुन स्वतच्या हाताने आपलं करिअर संपवलं. अनेक हिट चित्रपटांनंतर तिला प्रसिद्धी मिळत होती. पण सर्जरीनंतर तिच्यावर टीका होऊ लागली आणि याचा परिणाम तिच्या करिअरवर झाला. आता ती आपल्या संसारात व्यस्त आहे.
-
संदली सिन्हा – ‘तुम बिन’ चित्रपटातील गाणी आजही अनेकांच्या ओठावर आहेत. याच चित्रपटातून अभिनेत्री संदली सिन्हाने बॉलिवूडमध्ये आपली ओळख निर्माण केली होती. यानंतर पिजर, अब तुम्हारे हवाले वतन साथियो चित्रपटात तिने काम केलं. पण तिचं करिअर जास्त काळ चाललं नाही. संदलीला शेवटचं ‘तुम बिन २’ मध्ये एका छोट्या भूमिकेत पाहिलं गेलं. सध्या चित्रपटांपासून दूर ती आपल्या कौटुंबिक आयुष्यात व्यस्त आहे.
-
प्रिया गिल – ‘सिर्फ तुम’ चित्रपटातून आपल्या साध्या भोळ्या चेहऱ्याने बॉलिवूडमध्ये वेगळी ओळख निर्माण करणारी प्रिया गिल सध्या कुठे आहे याबद्दल कोणालाच माहिती नाही. प्रिया गिलने १९९६ मध्ये तेरे मेरे सपने चित्रपटातून आपल्या बॉलिवूड करिअरला सुरुवात केली. पण २००१ मध्येच तिचं करिअर संपुष्टात आलं. प्रिया गिलने शाहरुख खानसोबत ‘जोश’ चित्रपटातही काम केलं आहे. सुरुवातीच्या काळात हिट चित्रपट देणारी प्रिया गिल नंतर गायबच झाली.
-
अमिषा पटेल – ‘कहो ना प्यार है’ आणि त्यानंतर ‘गदर’ अशा सलग दोन चित्रपटांसहित बॉलिवूडमध्ये धमाकेदार एंट्री करणारी अमिषा पटेलचं करिअर मात्र तितकं चांगलं चाललं नाही. ‘ऐतराज’सारखे चित्रपटही तिला मिळाले. पण तिच्या फ्लॉप चित्रपटांची यादीच भली मोठी आहे. खासगी आयुष्यातील गोष्टी करिअरमध्ये आणल्याचा तिला मोठा फटका बसला. बॉलिवूडमध्ये मुख्य भूमिका मिळणं तिला बंदच झालं आहे. सोशल मीडियावर मात्र ती ऍक्टिव्ह असते.
-
स्नेहा उल्लाल – ऐश्वर्या रायसारखा लूक असल्याची चर्चा असल्याने स्नेहा उल्लालला चांगलीच प्रसिद्धी मिळाली होती. सलमान खान ‘लकी’ चित्रपटातून तिला लाँच केलं होतं. पण ऐश्वर्याप्रमाणे तिचं करिअर झेप घेऊ शकलं नाही. लकी चित्रपटानंतर स्नेहा उल्लाल बॉलिवूडमधून गायबच झाली.
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
