-
प्रत्येकासाठी आयुष्यात त्याची पहिली बाईक किंवा कार खूप स्पेशल असते. त्यात जर ती स्वत:च्या कमाईने घेतली असेल तर त्याचा आनंद काही वेगळाच असतो. आजकाल कार विकत घेणे इतकी काही मोठी गोष्ट राहिलेली नाही. पण एक वेळ होती जेव्हा कार विकत घेणे एक स्टेटस समजला जायचा. आज असे फार कमी सेलिब्रेटी असतील ज्यांच्याकडे हक्काची कार नाही. पण तरीही पहिल्या गाडीची आठवण नेहमीच मनात कायम असते. अशाच काही सेलिब्रेटींची पहिली कार कोणती होती हे आपण जाणून घेऊयात.
सचिन तेंडुलकर – Maruti Suzuki 800 सचिन तेंडुलकरला कारचं प्रचंड वेड आहे. सचिन सध्या बीएमडब्ल्यू इंडियासाठी ब्रँड ऍम्बेसेडर आहे. सचिनकडे अनेक अलिशान गाड्या आहेत. यामध्ये स्पोर्ट्स कारचाही समावेस आहे. पण त्याची पहिली गाडी मारुती सुझुकी ८०० होती. ही गाडी अजूनही त्याने ठेवली असल्याचं सांगितलं जातं. सचिनने नंतर मारुती १००० देखील विकत घेतली होती. 
इम्तियाज अली – Maruti Suzuki 800 दिग्दर्शक इम्तियाज अली यांनी काही दिवसांपूर्वी इन्स्टाग्रामवर आपल्या पहिल्या कारसोबतचा फोटो शेअर केला होता. मारुती सुझुकी ८०० ही अनेक कुटंबांची पहिली कार ठरली होती. इम्तियाज अलीदेखील त्यापैकी एक आहेत. ही कार आता त्यांच्यासोबत नाही. 
काजोल – Maruti Suzuki 1000 मारुती सुझुकी भारतात पाय रोवत असताना काजोलदेखील चित्रपटसृष्टीत आपल्या करिअरला सुरुवात करत होती. मारुती सुझुकी १००० ही तिची पहिली कार होती. काजोलने सोशल मीडियावर हा फोटो शेअर केला होता. ही कार आपलं पहिलं प्रेम असल्याचं तिने म्हटलं होतं. 
दीपिका – Audi Q7 दीपिकाकडे आज अनेक आलिशान गाड्या आहेत. दीपिकाकडे सध्या Mercedes-Maybach S500 आणि Audi A8L आहे. पण तिची पहिली कार Audi Q7 होती. आज तिच्याकडे अनेक गाड्या असल्या तरी सुरुवातीची काही वर्ष ही एकच गाडी तिच्याकडे होती. 
प्रियांका चोप्रा – Mercedes-Benz S-Class बॉलिवूडनंतर आता हॉलिवूडमध्ये धुमाकूळ घालणाऱ्या प्रियांका चोप्राकडे आज अनेक अलिशान गाड्या आहेत. Rolls Royce Ghost खरेदी करणारी ती पहिली बॉलिवूड अभिनेत्री आहे. पण प्रियांकाची पहिली कार Mercedes-Benz S-Class sedan होती. अनेक वर्ष तिने ही कार वापरली. 
कंगना रणौत – BMW 7-Series कंगनाने सुरुवातील काही हिट चित्रपटाच्या सहाय्याने प्रसिद्धी मिळवली होती. कंगनाने पहिली कार विकत घेतली ती म्हणजे BMW 7-Series. 
सारा अली खान – Honda CR-V सारा अली खानची पहिली कार होंडा सीआर-व्ही होती. सध्या ती दुसरी गाडी वापरत असली तरी ही गाडी नेहमीच्या प्रवासासाठी ती याच कारचा वापर करते. 
आलिया भट्ट – Audi Q7 आलिया भट्टने देखील पहिली कार घेताना Audi Q7 लाच पसंती दिली होती. आपल्या कारचा व्हिडीओ तिने सोशल मीडियावर अपलोड केला होता. नुकतीच तिने लँड रोव्हर रेंज रोव्हर विकत घेतली आहे. पण याआधी ती फक्त Audi Q7 च वापरत होती. अजूनही ही कार तिने जपून ठेवली आहे. 
कतरिना कैफ – Audi Q7 कतरिना कैफच्या वाट्याला हिट चित्रपट येण्याआधी अनेक वर्ष तिने Audi Q7 वापरली. सलमान खानने कतरिनाला Land Rover Range Rover Autobiography भेट म्हणून दिली आहे. त्यामुळे आता कतरिना आपली जुनी कार वापरताना दिसत नाही. 
श्रद्धा कपूर – Mercedes-Benz ML-Class श्रद्धा कपूरने काही वर्षांपूर्वी नवी कोरी करकरीत ML-Class SUV विकत घेतली होती. श्रद्धा अजूनही हीच कार वापरते. श्रद्धाकडे सध्या ही एकच कार आहे.
छत्रपती शिवाजी महाराजांचा गनिमीकावा अन् मराठा लष्करी इतिहास, JNU मध्ये आता विशेष केंद्र; कधी सुरू होणार अभ्यासक्रम
