-
ऋषी कपूर! हे पाच अक्षरी नावातच सगळा परिचय होऊन जातो. सिनेसृष्टीतील एका काळाचा साक्षीदार असलेला अभिनेता. १५० पेक्षाही अधिक सिनेमातून घराघरात पोहोचलेल्या या अभिनेत्याच्या अनेक भूमिका काळाच्या पटलावर अजरामर झाल्या. 'मेरा नाम जोकर'पासून सुरू झालेला त्यांचा हा अभिनय प्रवास आज (३० एप्रिल) थांबला. 'बॉबी'मधून सिनेसृष्टीच्या पटलावर झळकलेल्या या ताऱ्यानं अलिकडच्या काळात केलेल्या काही दमदाम भूमिकांचा घेतलेला वेध. (Photo : Indian Express Archive)
-
'मेरा नाम जोकर'मधून ऋषी कपूर यांनी सिनेसृष्टीत पाऊल ठेवलं. त्यानंतर आला बॉबी. या सिनेमात मुख्य भूमिका होती ऋषी कपूर यांची. या सिनेमातील रोमँटिक अंदाज दिसलेल्या ऋषी कपूर यांची ओळख चॉकलेट बॉय अशी झाली. या सिनेमानंतर जवळपास ९० सिनेमांमध्ये ऋषी कपूर यांनी रोमँटिक भूमिका केल्या. ज्या आजही प्रेक्षकांच्या मनात रूतून बसल्या आहेत.
-
१९७६ साली आलेल्या लैला मजनू सिनेमात ऋषी कपूर यांनी साकारलेली मजनूची प्रेक्षकांना चांगलीच भावली. १९७६ मध्ये झळकलेल्या सिनेमांमध्ये लैला मजनू सुपरहिट चित्रपट ठरला.
-
मध्ये बराच काळ गेल्यानंतर २००९ मध्ये आलेल्या 'लव आज कल'मध्ये ते वेगळ्या अंदाजात दिसले. दीपिका पदुकोण आणि सैफ अली खान यांची प्रमुख भूमिका असलेल्या सिनेमात त्यांनी एका सरदाराची भूमिका साकारली होती.
-
२०१२मध्ये आलेल्या 'अग्निपथ'मध्ये ऋषी कपूर व्हिलनच्या अंदाजात झळकले. त्यांनी साकारलेली 'राऊफ लाला'ची भूमिका प्रेक्षकांना खूपच भावली होती.
-
डी-डे… अर्थात अंडरवर्ल्ड डॉन दाऊद इब्राहिम याच्यावरील सिनेमा. या सिनेमात ऋषी कपूर यांनी दाऊदचीच भूमिका साकारली.
-
२०१३ मध्ये प्रदर्शित झालेल्या सिनेमात ऋषी कपूर यांची भूमिका प्रेक्षकांच्या पसंतीस उतरली. या सिनेमात त्यांच्याबरोबर इरफान खान आणि अर्जून कपूर यांनी काम केलं होतं. यात इरफान खान याचं २९ एप्रिल रोजी निधन झालं. त्यानंतर दुसऱ्याच दिवशी ऋषी कपूर यांनी जगाला अलविदा केलं.
-
ऋषी कपूर यांनी केलेल्या भूमिका एका धाटणीच्या कधीच नव्हत्या. विशेषत: अलीकडच्या काळात त्यांनी मानवी आयुष्याचे अनेक पदर त्यांच्या भूमिकांमधून उलडण्याचं काम केलं. त्यापैकीच एक म्हणज 'कपूर अॅण्ड सन्स'मधील त्यांची आजोबाची भूमिका. हा चित्रपट २०१६मध्ये पडद्यावर झळकला होता.
-
अलिकडेच प्रदर्शित झालेल्या १०२ नॉट आउट सिनेमा ऋषी कपूर यांनी महानायक अमिताभ बच्चन यांच्यासोबत काम केलं. या सिनेमात त्यांनी मुलाची, तर अमिताभ बच्चन यांनी त्यांच्या वडिलांची भूमिका साकारली होती.
-
मुल्क. ऋषी कपूर यांच्या आयुष्यातील महत्त्वाच्या सिनेमांपैकी एक. सामाजिक मानसिकतेला खडबडून जागं करणारी भूमिका त्यांनी या सिनेमात साकारली. दहशतवादी कारवायांमध्ये सहभागी असलेल्या आरोपीच्या मामाच्या भूमिकेत ते होते. 'मुराद अली मोहम्मद' त्यांची ही भूमिका अविस्मरणीय ठरली.
छत्रपती शिवाजी महाराजांचा गनिमीकावा अन् मराठा लष्करी इतिहास, JNU मध्ये आता विशेष केंद्र; कधी सुरू होणार अभ्यासक्रम
