मराठी मध्यमवर्गीय घरातील मुलगी ते हिंदी चित्रपटातील ग्लॅमरगर्ल हा अभिनेत्री अश्विनी भावेचा प्रवास अनेकांसाठी प्रेरणादायी आहे. 
अश्विनी यांना मायक्रोबायोलॉजीमध्ये करिअर करायचं होतं. 
मात्र कला शाखेकडे कल अधिक असल्याने त्यांनी नंतर चित्रपटसृष्टीत पाऊल ठेवलं. 
‘शाब्बास सूनबाई’ हा त्यांचा पहिला मराठी चित्रपट. 
'सैनिक' चित्रपटात अश्विनी भावे यांनी अक्षय कुमारसोबत स्क्रीन शेअर केला होता. 
किशोर बोपर्डीकर यांच्याशी लग्नानंतर अश्विनी परदेशी स्थायिक झाल्या. 
परदेशी गेल्यावर अश्विनी यांनी तिथे फिल्ममेकिंगच्या चार वर्षांच्या कोर्सला प्रवेश घेतला. 
अश्विनी भावे व त्यांचे पती 
स्वत: राज कपूर यांनी ‘कळत नकळत’ या चित्रपटातील अश्विनी यांचं काम पाहिलं होतं. 
त्यावरून त्यांनी स्क्रीन टेस्टसाठी बोलावलं होतं आणि अश्विनी यांना खूप सहजपणे ‘हीना’ चित्रपट मिळाला. -
परदेशी राहणाऱ्या अश्विनी दर वर्षी मुलांना घेऊन भारतात येतात.
मुलांना भारत कळला पाहिजे असं त्यांचं मत आहे. 
सध्या त्या विविध वृत्तपत्रांसाठी स्तंभलेखनसुद्धा करतात. 
या स्तंभलेखनातून त्यांनी भारत- अमेरिका या दोन्ही देशातले अनुभव मांडले. 
माझ्या मते कोणताच देश, संस्कृती, चालीरिती १०० टक्के चांगल्या किंवा वाईट नसतात. जिथलं जे भावतं ते मी अंगीकारलं, असं त्या म्हणतात. 
दोन दशकातल्या अमेरिकेच्या वास्तव्यात अश्विनी भावे प्रकाशझोता पलिकडचं खासगी आयुष्य जगत आहेत. 
अश्विनी भावे यांनी नुकतंच वेब विश्वात पदार्पण केलं. 
त्यांनी ‘द रायकर केस’ या वेब सीरिजच्या माध्यमातून कलाविश्वात पुन्हा पदार्पण केलं आहे. 
या सीरिजमध्ये त्यांनी साक्षी नायक रायकर ही भूमिका साकारली आहे. 
अतुल कुलकर्णी, अजय पूरकर यांच्यासोबत त्यांनी स्क्रीन शेअर केला आहे. 
अश्विनी भावे यांना आजही मोठ्या पडद्यावर पाहण्यासाठी चाहते, प्रेक्षक उत्सुक आहेत. 
(सर्व छायाचित्र सौजन्य : फेसबुक/ अश्विनी भावे)
साता जन्माचे सोबती! रेश्मा शिंदे दुसऱ्यांदा अडकली लग्नबंधनात; फोटो शेअर करत म्हणाली, “आयुष्याची…”
