-
सागर कारंडे… ही सहा अक्षरच एखाद्या मराठी व्यक्तीच्या चेहऱ्यावर हसू आणण्यासाठी पुरेशी आहेत. अगदी चित्रपट असो नाटक असो किंवा ज्या ‘चला हवा येऊ द्या’च्या माध्यमातून सागर घराघरात पोहचला असा कार्यक्रम असो सागर कारंडे म्हटल्यावर हसू येणारच. अगदी डाऊन टू अर्थ म्हणतात तसा हा नट चला हवा येऊ द्यामधून तुम्हाआम्हाला कधीकधी अगदी डोळ्यात पाणी येईपर्यंत हसवतो तर कधी पोस्टमन काका बनून अंतर्मुख करत टचकन् डोळ्यात पाणी आणतो. आज सागर खऱ्या अर्थाने महाराष्ट्राच्या कानाकोपऱ्यामध्ये पोहचला आहे. म्हणजे अगदी मुंबई, पुण्यासारखा शहरी भागा असो किंवा ग्रामीण भाग असो सागर जिथे दिसतो तिथे तो आपल्याला हसवतो असं जणू समिकरणच झालं आहे. मात्र तिन्ही क्षेत्रांमध्ये आपल्या अभिनयाचं नाणं खणखणीत वाजवणाऱ्या सागरच्या खासगी आयुष्याबद्दल खूपच कमी लोकांना माहिती आहे. आज आपण सागरबद्दलच्या काही खास गोष्टी या फोटोगॅलरीमधून जाणून घेणार आहोत. (सर्व फोटो: सागर कारंडे आणि सोनाली कारंडे यांच्या फेसबुकवरुन)
-
सागरचा जन्म १ जानेवारी १९८० रोजी नाशिकमधील एका मध्यवर्गीय कुटुंबामध्ये झाला.
-
सागरने बालमोहन विद्यालयमधून आपलं शालेय शिक्षण पूर्ण केलं.
-
सागरने कंप्युटर इंजिनियरिंगपर्यंतचे शिक्षण पूर्ण केलं. शिक्षण पूर्ण केल्यानंतर त्याने आपली अभिनयाची आवड जोपसली.
-
शालेय शिक्षण पूर्ण केल्यानंतर त्याने कम्प्युटर इंजिनिअरची पदवी घेतली. त्यानंतर तो काही काळ गोदरेजमध्ये नोकरीला होता. त्याने २००२ साली अभिनय क्षेत्रामध्ये करियर करण्याचं ठरवलं आणि तो अभिनयाचे धडे गिरवू लागला.
-
सागरला लहानपणापासून अभिनयाची आवड होती. तो रहायचा तेथे चाळीत होणाऱ्या लहान मोठ्या स्पर्धा, फॅन्सी ड्रेस कॉम्पीडीशन अशा अनेक स्पर्धांमध्ये तो उत्साहाने भाग घ्यायचा. हे स्वत: सागरनेच इडियट्स नाटकासंदर्भात दिलेल्या मुलाखतीमध्ये सांगितलं आहे.
-
भटकणे आणि कुटुंबाबरोबर वेळ घालवणे हे सागरचे आवडते छंद आहेत.
-
त्याच्या पत्नीचे नाव सोनाली आहे. चला हवा येऊ द्याच्या एका विशेष भागामध्ये सोनाली सहभागी झाल्या होत्या. त्यावेळी त्यांनी ‘स्त्री वेशात सागर माझ्यापेक्षाही खूप सुंदर दिसतो’ असं मत व्यक्त केलं होतं.
-
सागर आणि सोनालीला एक मुलगी असून तिचे नाव सई असे आहे.
-
एका नाटकाच्या ग्रुपचा भाग झाल्यानंतर तो मुंबईमध्ये आला आणि हळूहळू मनोरंजन क्षेत्रामध्ये रुळला.
-
‘फु बाई फु’, ‘कॉमेडी एक्सप्रेस’, ‘ढिंक चिका’ या कॉमेडी शोच्या माध्यमातून आपल्या अभिनयाचे नाणे खणखणीत वजवत प्रेक्षकांना अगदी लोटपोट होईपर्यंत हसवले.
-
फु बाई फु या कार्यक्रमात त्याने भारत गणेशपुरे बरोबर केलेले विविध विनोदी स्कीट प्रेक्षकाच्या पसंतीस उतरले. आजही हे व्हिडिओ युट्यूबवर प्रेक्षक आवडीने पाहतात. या कार्यक्रमातील सातव्या पर्वात ही जोडी विजेती ठरलेली आहे.
-
सागरला कलाकारांची मिमिक्री करण्याची सुरुवातीपासूनच भारी हौस होती. आज सागर त्याच्या याच कलेसाठी ओळखला जातो. नाना पाटेकर असो किंवा निळू फुले असो किंवा राजकारणी असो सागर अनेकांचे अगदी हुबेहुब नक्कल करतो.
-
जस्ट हलकं फुलकं या नाटकात सागरने एकाच वेळी सहा भूमिका साकारल्या होत्या. त्यासाठी त्याला राष्ट्रीय स्तरावरील पुरस्कार सोहळ्यामध्ये सर्वोत्तम अभिनेत्यासाठीचे नामांकन मिळालं होतं.
-
सागरने २०१८ साली स्वत:च्या कमाईमधून मुंबईमध्ये एक वन बीएचके घर घेतलं आहे.
-
सागरला त्याच्या मुलीबरोबर वेळ घालवायला खूप आवडतं. तिच्याबरोबरच फोटो तो फेसबुकवरुन पोस्ट करत असतो.
-
सागरने चला हवा येऊ द्यामध्ये साकारलेल्या स्त्री भूमिका प्रेक्षकांच्या विशेष लक्षात राहिल्या आहेत.
-
२०१८ साली नेटफ्लिक्सवरील सिक्रेड गेम्सवर आधारित एका स्पूफ व्हिडिओमध्ये सागरने गायतोंडे शिक्षक असता तर या छोट्या व्हिडिओमध्ये नेटफ्लिक्ससाठी काम केलं होतं.
-
सागरने 'चला हवा येऊ द्या'च्या माध्यमातून अनेक बड्या कलाकारांसमोर आपली कला सादर करत त्यांना खदखदून हसवलं आहे. शाहरुखबरोबरचा हा सागरचा खास सेल्फी.
-
२०१८ साली सागरला अखिल भारतीय नाट्य परिषदेने बबन प्रभू पुरस्कार देऊन गौरवलं आहे.
छत्रपती शिवाजी महाराजांचा गनिमीकावा अन् मराठा लष्करी इतिहास, JNU मध्ये आता विशेष केंद्र; कधी सुरू होणार अभ्यासक्रम
