-
गोरा रंग, नितळ त्वचा या गोष्टींना फार महत्त्व दिलं जातं. त्यातही तुम्ही जर चित्रपटसृष्टीत असाल तर सुंदरतेलाच प्राधान्य दिलं जातं.
मात्र या सर्व संकल्पनांना छेद देत एका दाक्षिणात्य अभिनेत्रीने स्वत:चं वेगळं असं स्थान निर्माण केलंय. 
‘प्रेमम’ या मल्याळम चित्रपटातून पदार्पण करणारी अभिनेत्री साई पल्लवी हिने आत्मविश्वाच हेच खरे सौंदर्य असल्याचं म्हटलं आहे. 
‘प्रेमम’ प्रदर्शित झाला तेव्हा साईचा डी-ग्लॅम लूक फार चर्चेत होता. 
साई पल्लवीचा मुरुमाने भरलेला चेहरा, तेलकट चेहरा, मेकअप नसलेली अभिनेत्री म्हणूनच ओळख झाली होती. 
तामिळ, तेलुगू आणि मल्याळम चित्रपटात तिने प्रमुख भूमिका तर साकारल्या पण आता तिने आघाडीच्या अभिनेत्रींमध्येही स्थान मिळवलं आहे. 
"माझ्या चेहऱ्यावर मुरूम होते. पण तरीसुद्धा प्रेक्षकांनी मला स्वीकारलं आणि भरभरून प्रेम दिलं," असं ती सांगते. 
एका मुलाखतीत साई म्हणाली, ‘जेव्हा लोकांनी मला मी जशी आहे तसं स्वीकारलं, मला माझ्या चेहऱ्यावरील मुरुमांसह स्वीकारलं, तेव्हा मला जाणीव झाली की आत्मविश्वास हेच खरं सौंदर्य असतं.’ 
सौंदर्याची नवीन परिभाषा मांडणारी साई फेअरनेस क्रीमच्या कोट्यवधी रुपयांच्या जाहिरातीच्या ऑफर्स सहज नाकारते. 
‘मी स्वत: सौंदर्य प्रसाधनांना पाठीशी घालत नाही. तुम्ही स्वत:विषयी, त्वचेच्या रंगाविषयी आत्मविश्वास बाळगायला हवा,’ असं तिचं मत आहे. 
त्वचेच्या रंगाला महत्त्व देणाऱ्यांसाठी ही साई पल्लवीची चांगलीच चपराक होती.
अभिनेता सुदीप पांडेचे हृदयविकाराच्या झटक्याने निधन; पण तरुणांनाच या आजाराचा अधिक धोका का? हृदयरोगतज्ज्ञांनी सांगितले कारण
