-
लॉकडाउनमुळे सध्या सर्वसामान्यांसोबत अनेक सेलिब्रेटीही आपल्या घरात अडकले आहेत. (सर्व फोटो – क्रिती आणि पुलकीत इन्स्टाग्राम)
-
दरम्यान बॉलिवूडचा एक अभिनेता आणि अभिनेत्री लॉकडाउनमध्ये एकाच घरात राहत आहेत.
-
बॉलिवूडचं हे नवं कपल आहे क्रिती खरबंदा- पुलकीत सम्राट.
-
क्रिती खरबंदा आणि पुलकीत सम्राट गेल्या बऱ्याच महिन्यांपासून एकमेकांना डेट करत आहेत.
-
पागलपंती चित्रपटाच्या प्रमोशनदरम्यान दोघांनीही आपलं नात सार्वजनिकपणे जाहीर केलं होतं.
-
सध्या लॉकडाउनमध्ये हे दोघेही एकत्र राहत असून एकमेकांसोबत वेळ घालवत आहेत.
-
याआधी पुलकितच्या यामी गौतमसोबत अफेअर असल्याच्या चर्चा होत्या. दोघांनीही ‘सनम रे’ चित्रपटात एकत्र काम केलं होतं.
-
पुलकीतने सलमान खानची मानलेली बहीण श्वेता रोहिरासोबत २०१४ मध्ये लग्न केलं होतं. पण एका वर्षातच ऑक्टोबर २०१५ मध्ये त्यांचा घटस्फोट झाला.
-
यामी गौतमसोबत असलेल्या अफेअरमुळेच हा घटस्फोट झाल्याची चर्चा होती. पण पुलकीत मात्र वारंवार हे कारण असल्याचं अमान्य करत होता.
-
पुलकीतच्या पत्नीनेही यामी गौतममुळे लग्न तुटल्याचा आरोप केला होता.
-
असंही म्हटलं जात होतं की, पत्नी श्वेताचा गर्भपात झाल्यानंतर पुलकीत आणि यामी एकमेकांजवळ आले. पण पुलकीतने नकार देताना आपल्या भावना दुखावल्याचं सांगितलं होतं.
-
“ही खूप खासगी बाब होती आणि जेव्हा अशी गोष्ट सार्वजनिक होते तेव्हा खूप दु:ख होतं. श्वेतासोबतच्या नात्यावरुन माझा पूर्णपणे विश्वास उडाला आहे. गर्भपात झाला तेव्हा यामी माझ्या आयुष्यात नव्हती. मी श्वेतासोबत नातं टिकवण्याचा खूप प्रयत्न केला, पण ते टिकलं नाही” असं पुलकीतने सांगितलं होतं.
-
क्रितीने आपण पुलकीतबद्दल अनेक गोष्टी जाणून घेत असून त्याची गर्लफ्रेंड असल्याचा अभिमान वाटत असल्याचं एका मुलाखतीत बोलताना सांगितलं आहे.
-
क्रिती दिल्लीत पुलकीतच्या भावाच्या लग्नासाठी गेली होती. मुंबईत परतल्यानंतर तिला आपल्यालाही करोनाची लागण झाली असल्याची भीती वाटत असल्याने तिने सेल्फ क्वारंटाइन केलं होतं.
-
मला खूप भीती वाटली होती. पण त्यावेळी टेस्ट किट उपलब्ध नसल्याने तसंच मला ताप वैगेरे काही लक्षणं नसल्याने डॉक्टरांनी सर्वांपासून दूर राहण्याचा तसंच लक्षणांवर नजर ठेवण्याचा सल्ला दिला होता असं क्रितीने सांगितलं आहे.
-
पुलकीतला डेट करत असल्याची कबुली देताना क्रितीने सांगितलं होतं की, हो आम्ही एकमेकांना डेट करत आहोत. पण माझ्या आई-वडिलांना याबद्दल सर्वात आधी सांगितलं पाहिजे अशी माझी इच्छा आहे. मी खूप आनंदी असून पुलकीतला डेट करत असल्याची कबुली देताना कोणतीही भीती नाही.
-
लॉकडाउनमध्ये एकत्र राहण्यासंबंधी बोलताना क्रितीने सांगितलं होतं की, “आम्ही एकाच इमारतीत राहायचं ठरवलं होतं. पण आता आम्ही एकत्र असल्याचा आनंद आहे. लॉकडाउनमध्ये एकत्र न राहणारी कपल कशा पद्दतीने जगत आहेत हे कळत नाही”.
-
“मला खूप आनंद मिळतोय. क्वारंटाइनमध्ये आम्हीही दोघंही एकत्र असल्याचा आनंद आहे. आम्ही टीव्हीवर अनेक सीरिज पाहण्याचा आनंद घेत आहोत. एक चांगली व्यक्ती होण्याचा प्रयत्न आम्ही करत आहोत.आम्ही दोघंही खूप भावनिक आहोत,” असं क्रिती सांगते.
-
“मला पुलकीतबद्दल अनेक गोष्टी नव्याने कळल्या आहेत. तो माझा बॉयफ्रेंड आहे म्हणून बोलत नाही आहे. पण माझ्या मनात त्याच्याबद्दल खूप आदर आहे. इतकी काळजी घेणारी व्यक्ती मला आजपर्यंत भेटलेली नाही. तुम्ही अशा गोष्टींचा देखावा करु शकत नाही. तो एक चांगली व्यक्ती आहे” असं क्रितीने सांगितलं आहे.
-
क्रिती खरबंदा- पुलकीत सम्राट २०१९ मध्ये आलेल्या 'पागलपंती' चित्रपटात एकत्र दिसले होते. यावेळी त्यांच्यासोबत जॉन अब्राहम, अनिल कपूर, इलियाना, अर्शद वारसीदेखील मुख्य भूमिकेत होते.
-
क्रिती आणि पुलकीत ही जोडी पुन्हा एकदा मोठ्या पडद्यावर दिसणार आहे. सलमान खानची निर्मिती असणाऱ्या ‘बुलबुल मॅरेज हॉल’ चित्रपटात ही जोडी एकत्र दिसणार आहे. लॉकडाउनमुळे चित्रपटाचं शुटिंग लांबणीवर पडलं आहे.
हॉटेलमध्ये उष्ट्या कांदा आणि लोणच्याचं काय होतं माहितीये? VIDEO पाहून तुमच्याही पायाखालची जमिन सरकेल
