'बाहुबली' चित्रपटात भल्लालदेवची भूमिका साकारणारा अभिनेता राणा डग्गुबतीने गर्लफ्रेंडसोबतचा फोटो पोस्ट करत चाहत्यांना सुखद धक्का दिला. 
'ती हो म्हणाली', असं कॅप्शन देत राणाने गर्लफ्रेंड मिहीका बजाजसोबतचा फोटो सोशल मीडियावर पोस्ट केला. 
मिहीका बजाजची आई बंटी बजाज या दागिन्यांच्या व्यवसायातील प्रतिष्ठित व्यक्ती आहेत. 
त्या भारतातील प्रसिद्ध वेडिंग डेकॉर प्लॅनरसुद्धा होत्या. 
मिहीकाने इंटेरिअर डिझायनिंगचं शिक्षण घेतलं आहे. त्यानंतर ती लंडनला उच्च शिक्षणासाठी गेली. 
तिने मुंबईत इंटर्न डिझायनर म्हणूनही एक वर्ष काम केलं. 
२०१७ मध्ये मिहीकाने स्वत:ची इव्हेंट मॅनेजमेंट कंपनी स्थापित केली. 'ड्यू ड्रॉप डिझाइन स्टुडिओ' असं तिच्या कंपनीचं नाव आहे. 
कामानिमित्त मिहीका सतत हैदराबाद व मुंबई या शहरांमध्ये प्रवास करते. या दोन्ही शहरांबद्दल तिला विशेष प्रेम आहे. 
स्वयंपाक हा तिचा आवडता छंद आहे. त्याचसोबत तिला वाचन, लेखनसुद्धा आवडतं. 
मिहीकाला भेटवस्तूंसंदर्भात एका कंपनीची स्थापना करायची आहे. महागड्या भेटवस्तूंची कंपनी भविष्यात नक्की स्थापित करेन, अशी इच्छा तिने एका मुलाखतीत बोलून दाखवली होती. 
लॉकडाउन संपल्यावर राणा व मिहीका लवकरच विवाहबद्ध होतील, असं कळतंय. 
(सर्व छायाचित्र सौजन्य : इन्स्टाग्राम/ मिहीका बजाज)
साता जन्माचे सोबती! रेश्मा शिंदे दुसऱ्यांदा अडकली लग्नबंधनात; फोटो शेअर करत म्हणाली, “आयुष्याची…”
