-
करोनामुळे जगभरात सध्या काय परिस्थिती आहे, याची कल्पना सगळ्यानांच येऊ लागली आहे. करोनामुळे जग कसं बदलेलं, याची भाकितही सुरू आहेत. माणसाच्या जगण्यालाच करोनानं बदलून टाकलं आहे. समाजाचं प्रतिबिंब असलेली सिनेसृष्टीही याचा अनुभव घेत आहे. आठवड्याला वेळ काढून थिअटर गाठायचं आणि सिनेमा बघायचा, अशी अनेकांची सवय होती. पण, आता ती विसरावी लागणार आहे. चित्रपटगृह कधी सुरू होतील, याचा अंदाज लावणंही अवघड असून, चित्रपट निर्मात्यांनी ओटीटी प्लॅटफॉर्मचा मार्ग स्वीकारला आहे. आगामी काळातील अनेक सिनेमे या प्लॅटफॉर्म बघायला मिळणार असून, त्यातील काही सिनेमांची माहिती… आयुषमान खुराणा आणि बिग बी अमिताभ बच्चन यांची भूमिका असलेला गुलाबो सिताबो सिनेमा 'अ‍ॅमेझॉन प्राईम'वर १२ जून रोजी रिलीज होणार आहे. (Photos : Indian Express)
-
कुली नं १. हा सिनेमा अ‍ॅमेझॉन प्राईम'वर बघायला मिळणार आहे. १ मे रोजी हा सिनेमा रिलीज होणार असून, या सिनेमात वरूण धवनबरोबर सारा अली खान दिसणार आहे.
-
अभिनेता नवाजुद्दीन सिद्दीकी आणि अनुराग कश्यप यांची भूमिका असलेला घुमकेतू हा सिनेमाही या महिन्यात रिलीज होणार आहे. झी-५ वर २२ मे नंतर हा सिनेमा प्रदर्शित होण्याचा अंदाज आहे.
-
अंग्रेजी मीडियम. काही दिवसांपूर्वी निधन झालेल्या अभिनेता इरफान खाननं भूमिका साकारलेला शेवटचा सिनेमा. हा सिनेमा चित्रपटगृहात रिलीज झाला, मात्र लगेच लॉकडाउन लागू झाल्यानं आता ओटीटी प्लॅटफार्म बघायला मिळणार आहे. हा सिनेमा डिस्ने हॉटस्टारवर रिलीज होणार आहे.
-
फॅण्ड्री, सैराटनंतर नागराज मंजुळेचा तिसरा सिनेमा झुंड लवकरच प्रेक्षकांच्या भेटीला येत आहे. या सिनेमात अमिताभ बच्चन यांची भूमिका असून, अ‍ॅमेझॉन प्राईम'वर हा सिनेमा रिलीज होणार आहे.
-
अक्षय कुमारचा बहुप्रतिक्षित लक्ष्मी बॉम्ब सिनेमा डिजिटल प्लॅटफॉर्मवर रिलीज होणार आहे. या सिनेमात अक्षयसोबत कियारा आडवाणी दिसणार असून, सिनेमा डिस्ने हॉटस्टारवर रिलीज होणार आहे.
-
अनुराग बसूचा लुडो हा सिनेमाही ओटीटी प्लॅटफॉर्म रिलीज होणार आहे. अभिषेक बच्चन, आदित्य रॉय कपूर, राजकुमार राव, फातिमा साना शेख, सान्या मल्होत्रा आणि इतरही कलाकार सिनेमात प्रमुख भूमिकेत असणार आहे.
-
अभिनेत्री ज्योतिका सरवनन हिची भूमिका असलेला पोंमगल वंथल हा तामिळ सिनेमा 'अ‍ॅमेझॉन प्राईम'वर २९ मे रोजी रिलीज होणार आहे. जे.जे. फेंड्रिक यांनी या सिनेमाचं दिग्दर्शन केलं आहे.
-
गणितीतज्ज्ञ असलेल्या शकुंतला देवी यांच्या आयुष्यावर सिनेमा लवकरच झळकणार आहे. तारीख जाहीर केली नसली, तरी लवकर रिलीज होणार असल्याचं म्हटलं आहे. यात शकुंतला देवी यांची भूमिका विद्या बालननं केली असून, 'अ‍ॅमेझॉन प्राईम'वर सिनेमा रिलीज होणार आहे.
-
सिनेमांसोबतच गुंजन सक्सेना-द कारगिल गर्ल ही वेब सीरिजही लवकरच रिलीज होणार आहे. जान्हवी कपूरची भूमिका असलेली ही सीरिज नेटफ्लिक्सवर रिलीज होणार आहे.
हॉटेलमध्ये उष्ट्या कांदा आणि लोणच्याचं काय होतं माहितीये? VIDEO पाहून तुमच्याही पायाखालची जमिन सरकेल
