-
हिंदी चित्रपटसृष्टीत वीस-पंचवीस वर्षांपूर्वी ‘हिरो’ म्हणून ज्यांनी बॉलीवूडमध्ये पदार्पण केले त्या प्रत्येकाच्या पडद्यावरच्या ‘आई’ची भूमिका अभिनेत्री रिमा यांनी केली होती.
-
आमिर खान, सलमान खान, शाहरुख खान, अजय देवगण, संजय दत्त, राहुल रॉय, गोविंदा ते अगदी जुही चावला, काजोल यांच्या आईच्या भूमिकेतही रिमा ठळकपणे लक्षात राहिल्या.
७०-८० च्या दशकात रिमा लागू यांनी हिंदी आणि मराठी चित्रपटात काम सुरु केले. -
एक अभिनेत्री म्हणून प्रत्येक माध्यमावर आपला प्रभाव टाकणाऱ्या रिमा यांना अभिनयाचा वारसा त्यांच्या आईकडूनच मिळाला होता.
रिमा यांचे पूर्वाश्रमीचे नाव नयन भडभडे. त्यांची आई मंदाकिनी भडभडे याही अभिनेत्री होत्या. पुण्याच्या हुजूरपागा शाळेत शिकत असताना विद्यार्थीदशेतच त्यांच्या अभिनयाची दखल घेतली गेली होती. -
‘हिरवा चुडा’, ‘हा माझा मार्ग एकला’ अशा चित्रपटांतून ‘बेबी नयन’ नावाने बालकलाकार म्हणून रिमा यांनी चित्रपटसृष्टीत प्रवेश केला. (छाया सौजन्य: एक्स्प्रेस आर्काइव्ह)
-
‘घर तिघांचं हवं’, ‘चल आटप लवकर’, ‘झाले मोकळे आकाश’, ‘तो एक क्षण’, ‘पुरुष’, ‘बुलंद’, ‘सविता दामोदर परांजपे’, ‘विठो रखुमाय’, ‘सासू माझी ढांसू’ यासारख्या दर्जेदार नाटकांमधून त्यांनी आपल्या अभिनयाचे खणखणीत नाणे वाजवले होते. (छाया सौजन्य: एक्स्प्रेस आर्काइव्ह)
-
अभिनेता विवेक लागू यांच्याशी विवाहबद्ध झाल्यानंतर त्या रिमा लागू म्हणून ओळखल्या जाऊ लागल्या. मात्र काही वर्षांनंतर दोघेही विभक्त झाले. (छाया सौजन्य: एक्स्प्रेस आर्काइव्ह)
-
ऐंशीच्या दशकात त्यांनी हिंदी चित्रपटसृष्टीकडे आपला मोर्चा वळवला. १९८० सालच्या ‘आक्रोश’, ‘कलयुग’ या चित्रपटांपासून त्यांच्या प्रवासाला सुरुवात झाली. (छाया सौजन्य: एक्स्प्रेस आर्काइव्ह)
-
हिंदी चित्रपटांमध्ये आई म्हटले की निरुपा रॉय यांची एका ठराविक पद्धतीची प्रतिमा लोकांच्या डोळ्यासमोर यायची. रिमा यांनी पडद्यावरच्या या आईच्या प्रतिमेलाच छेद दिला. (छाया सौजन्य: एक्स्प्रेस आर्काइव्ह)
-
अत्यंत ग्लॅमरस आई म्हणून त्यांनी लोकप्रियता मिळवली. (छाया सौजन्य: एक्स्प्रेस आर्काइव्ह)
-
आपल्या वाटय़ाला आलेल्या आईच्या भूमिकेतही त्यांनी वैविध्य ठेवत आपली दखल घ्यायला भाग पाडले. (छाया सौजन्य: एक्स्प्रेस आर्काइव्ह)
-
त्यांची प्रत्येक आईची भूमिका लोकांच्या लक्षात राहिली, इतक्या सहजतेने त्यांनी त्या व्यक्तिरेखा जिवंत केल्या होत्या. (छाया सौजन्य: एक्स्प्रेस आर्काइव्ह)
-
(छाया सौजन्य: एक्स्प्रेस आर्काइव्ह)
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
