-
भारतासारख्या देशामध्ये क्रिकेट, राजकारण आणि चित्रपट या विषयांवर कितीही तास गप्पा मारता येतील असं म्हटलं जातं. या तिन्ही क्षेत्रांमध्ये नाविन्य हा महत्वाचा घटक. म्हणजेच क्रिकेटमधील धोनीचा हॅलिकॉप्टर शॉर्ट असो किंवा राजकारणातील सोशल मिडियाचा वापर असो किंवा अगदी चित्रपटांमधील डबल रोलचा जमाना असो. प्रत्येक गोष्ट जेव्हा पहिल्यांदा चाहत्यांच्या भेटीला येते तेव्हा तिची चर्चा होते. या तीन पैकी चित्रपट या विषयामध्ये सातत्याने नाविन्यपूर्ण गोष्टीं आणणे गरजेचे असते नाहीतर त्यामध्ये तोच तोचपणा येतो. हाच तोच तोच पणा टाळण्यासाठी चित्रपटसृष्टीकडून अनेकदा प्रयत्न केले जातात. यापैकीच एक साधी आणि प्रेक्षकांच्या कायम लक्षात राहणारी कल्पना म्हणजे चित्रपटांमधील भूमिकांची अगदी अतरंगी आणि भन्नाट नावे. अशाच भन्नाट नावे असणाऱ्या भूमिकांपैकी काही अजरामर झालेली नावे आणि भूमिका आपण या गॅलरीत पाहणार आहोत…
-
हिंदी चित्रपटसृष्टीतील नावाजलेलं नाव म्हणजे ज्येष्ठ अभिनेता व दिग्दर्शक सतीश कौशिक. सतीश यांनी ‘दिवाना मस्ताना’ या चित्रपटामध्ये पप्पू पेजर नावाचे विनोदी पात्र साकारलं होतं.
-
'हंगामा' चित्रपटामध्ये रझाक खान यांनी बाबू बिसलेरी नवाची भूमिका साकारली होती.
-
जॉनी लिवर यांनी अनेक हिंदी चित्रपटांमध्ये विनोदी भूमिका साकारल्या आहेत. मात्र आवारा पागाल दिवाना या चित्रपटामध्ये त्यांनी साकारलेली छोटा छत्री हे पात्र आजही अनेकांच्या लक्षात आहे. बोलताना अडखणारा छोटा छत्री जॉनी यांनी अगदी उत्तम प्रकारे साकारला होता.
-
‘वक्त हमारा है’ या चित्रपटामधील मुख्य गुंडाची भूमिका गगनसानी रामी रेड्डी यांनी साकारली होती. या पात्राचे नाव कर्नल चिंकारा असं होतं.
-
'कुली नंबर वन' या चित्रपटामध्ये कादर खान यांनी साकारलेल्या भूमिकेचे नाव चौधरी होशियारचंद शिकारपुरी बाकुलवाला असं होतं.
-
अभिनेता संजय दत्त आणि अर्शद वारसी यांची धमाकेदार जोडी पहायला मिळाली ती मुन्नाभाई सिरीजमधील दोन चित्रपटांमध्ये. या चित्रपटांमध्ये अर्शद वारसीने साकारलेल्या पात्राचे नाव सर्किट असं होतं.
-
गोलमाल सिरीजमध्ये मुकेश तिवारी यांनी साकारलेली वसुली भाय ही व्यक्तीरेखा तर इंटरनेटवर आजही मिम्स म्हणून वापरली जाते.
-
'छोटीसी बात' या चित्रपटामध्ये अशोक कुमार यांनी कर्नाल ज्युलियस नागेंद्रनाथ विल्फ्रड सिंग या नावाचे पात्र साकारलं होतं.
-
बॉलिवूडमध्ये २०१३ मध्ये प्रदर्शित झालेल्या 'फुकरे' चित्रपटामध्ये वरुण शर्माने साकारलेल्या पात्राचे नाव चोचा असं होतं.
-
‘कोई मील गया’ चित्रपटामध्ये जादू या नावाचं पात्र होतं. परग्राहवरुन आलेल्या जादूची भूमिका इंद्रवधन पुरोहित यांनी साकारली होती.
-
'अंदाज अपना अपना' या विनोदी चित्रपटामध्ये शक्ती कपूर यांनी साकारलेल्या भूमिकेचे नाव होते क्राइम मास्टर गोगो.
-
'वेलकम' या मल्टीस्टारर चित्रपटामध्ये अभिनेता परेश रावल यांनी साकारलेल्या भूमिकेचे नाव होतं डॉक्टर घुंगरु.
-
गोलमाल सिरीजमधील ‘गोलमाल फन अनलिमिटेड’ या चित्रपटामध्ये मनोज जोशी यांनी साकारलेल्या पात्राचे नाव होते हरिशचंद्र रामचंद्र मिरचंदाणी म्हणजेच ह.रा.मी.
-
‘पीके’ या गाजलेल्या चित्रपटामध्ये अनुष्का शर्माने जगत जननी सहानी नावाचे पात्र साकारलं होतं.
-
‘रेडीओ’ चित्रपटामध्ये परेश रावल यांनी झंडू लाल त्यागी नावाचे पात्र साकारले होते.
-
‘लगान’ चित्रपटामध्ये अदित्य लाखिया या कलाकाराने कचरा हे पात्र साकारलं होतं.
-
कांचा चीना ही अग्निपथ चित्रपटातील भूमिका अभिनेता डॅनी डेन्जोंग्पा यांनी साकारली होती. चित्रपटाच्या रिमेकमध्ये संजय दत्तने हीच भूमिका साकारलेली.
-
‘राम लखन’ या चित्रपटामध्ये गुलशन ग्रोव्हर यांनी केसरिया विलायती नावाचे पात्र साकारलं होतं.
-
'तेजाब' चित्रपटामध्ये किरण कुमार यांनी साकारलेल्या पात्राचे नाव लोटीया पठाण असं होतं.
-
राजकुमार हिरानी दिग्दर्शित '३ इडियट्स' चित्रपटामध्ये आमिर खानने रणछोडदास छांछड नावाचे पात्र साकारलं होतं. त्याचं टोपणनाव रँचो होतं.
-
'शोले' या अनेकांच्या ऑल टाइम फेव्हरेट चित्रपटामधील जगदीप यांनी साकारलेली सुरमा भोपाली ही लहानशी भूमिका आजही अनेकांना लक्षात आले.
-
सलमान खानच्या ‘बॉडीगार्ड’ या चित्रपटामध्ये त्सुनामी सिंग नावाचे पात्र होते. ही भूमिका रजत रायवाल याने साकारली होती.
-
रझाक खान यांनी 'हॅलो ब्रदर' या चित्रपटामध्ये साकारलेल्या भूमिकेचा नाव निंजा चाचा असं होतं.
-
प्रलयनाथ गेंडास्वामी असं म्हटल्यावर डोळ्यासमोर आधी येतात राज कुमार आणि त्यांचा ‘फ्यूज कंडक्टर गेंडा स्वामी फ्यूज कंडक्टर…’ हा संवाद. चित्रपाटामध्ये गेंडास्वामी या मुख्य गुंडाची भूमिका दिपक शिर्के यांनी साकारली होती.
-
मराठमोळा अभिनेता सिद्धार्थ जाधवने गोलमाल सिरीजमधील ‘गोलमाल: फन अनलिमीटेड’ या चित्रपटामध्ये साकारलेल्या भूमिकेचे नाव सत्तू सुपारी असं होतं.
अभिनेता सुदीप पांडेचे हृदयविकाराच्या झटक्याने निधन; पण तरुणांनाच या आजाराचा अधिक धोका का? हृदयरोगतज्ज्ञांनी सांगितले कारण
