रणबीर कपूर, दीपिका पदुकोण, कल्की कोचलीन, आदित्य रॉय कपूर यांच्या महत्त्वाच्या भूमिका असणारा 'ये जवानी है दिवानी' हा चित्रपट सात वर्षांपूर्वी प्रदर्शित झाला आणि बॉक्स ऑफिसवर त्याचाच डंका वाजला. 
या चित्रपटातील प्रत्येक पात्राला प्रेक्षकांचं प्रेम मिळालं. मग ती ‘नैना तलवार’ म्हणू नका, ‘बनी’ म्हणजेच ‘कबीर’ म्हणू नका किंवा सतत स्वॅगमध्ये असणारी ‘अदिती’ म्हणू नका. बरं या साऱ्यांमध्ये ‘अवि’ला विसरुन चालणार नाही बरं. 
चित्रपटातील पात्रांप्रमाणेच त्यातील संवाद आजही प्रेक्षकांना तोंडपाठ आहेत. 
फक्त प्रेम आणि मैत्रीच या चित्रपटाचा गाभा नव्हता. तर आयुष्याच्या वळणवाटांवर चालण्यासाठीची अत्यंत महत्त्वाची शिकवणही या चित्रपटातील काही पात्रं देऊन गेली. 
हल्ली धकाधकीच्या आणि अत्यंत साचेबद्ध आयुष्य जगण्यात प्रत्येकजण इतका व्यग्र झाला आहे की मित्रमंडळींसोबत वेळ व्यतीत करण्याची संधी तशी फार कमी मिळते. पण, हा चित्रपट मैत्रीलाही तितक्याच समर्पकपणे आपल्यासमोर मांडून गेला. 
दंगा करणारे, मदत करणारे, खिल्ली उडवणारे वेळ पडल्याल रागे भरणारे मित्र नेमके काय असतात याचीच प्रचिती ‘ये जवानी है…’च्या निमित्ताने आली. 
कितीही प्रयत्न आणि आटापीटा केला तरीही काही गोष्टींना आपण मुकतोच. त्यामुळे या क्षणाला जिथे आहात त्या क्षणाचाच मनमुराद आनंद घ्या ही अत्यंत महत्त्वाची शिकवण या चित्रपटाने दिली. 
रटाळ आयुष्यापासून थोडी उसंत घेत निसर्गाच्या सानिध्यात काही क्षण व्यतीत करण्यासाठीही या चित्रपटाने अनेकांना प्रेरित केलं.
Guardian Minister Post : मोठी बातमी! पालकमंत्रिपदाची यादी जाहीर; कोणत्या जिल्ह्याचं पालकमंत्रिपद कोणाकडे? बीडचं पालकमंत्री कोण? वाचा यादी
