लॉकडाउनमध्ये गेल्या ३५ दिवसांत ‘या’ १५ सेलिब्रेटींचं निधन

1/16

करोनामुळे आधीच आर्थिक नुकसान सहन करत असलेल्या बॉलिवूडला अनेक धक्के बसत आहेत. लॉकडानदरम्यान बॉलिवूडमधून अनेक सेलिब्रेटींनी एक्झिट घेतली आहे. टीव्ही तसंच चित्रपटातील अनेक कलाकारांचं लॉकडाउनच्या काळात निधन झालं आहे. गेल्या ३५ दिवसांत १५ सेलिब्रेटींचं निधन झालं आहे. यामध्ये अभिनेते, संगीतकार यांच्यासह इतरांचाही समावेश आहे.

2/16

बॉलिवूडमधील अष्टपैलू अभिनेत्यांपैकी एक असणाऱ्या इरफान खानचं २९ एप्रिल रोजी निधन झालं. Colon Infection मुळे त्याला मुंबईतील कोकिलाबेन रुग्णालयात दाखल करण्यात आलं होतं. ५४ व्या वर्षी इरफानने जगाचा निरोप घेतला. त्याच्या जाण्याने अनेकांना धक्का बसला.

3/16

कपूर कुटुंबातून असूनही ऋषी कपूर यांनी चित्रपटसृष्टीत स्वत:ची वेगळी ओळख निर्माण केली होती. इरफान खानच्या निधनातून बॉलिवूड सावरलं नाही तोच दुसऱ्या दिवशी ऋषी कपूर यांच्या निधनाचं वृत्त आल्याने अनेकांना धक्का बसला. ऋषी कपूर यांना कॅन्सर झाला होता. न्यूयॉर्कमध्ये जवळपास वर्षभर उपचार केल्यानंतर ते परतले होते. ३० एप्रिल रोजी त्यांचं निधन झालं.

4/16

१ जून रोजी वाजिद खान यांचं निधन झालं. वाजिद खान यांना करोनाची लागण झाली होती. रुग्णालयात उपचार सुरु असताना ह्रदय बंद पडल्याने त्यांचं निधन झालं.

5/16

‘छोटी सी बात’, ‘रजनीगंधा’, ‘बातों बातों मे’, ‘एक रुका हुआ फैसला’ यांसारख्या अविस्मरणीय चित्रपटांचे दिग्दर्शक बासू चटर्जी यांचं ४ मे रोजी मुंबईत निधन झालं. ते ९३ वर्षांचे होते. वृद्धापकाळाने त्यांचं निधन झालं.

6/16

भारतातील प्रसिद्ध ज्योतिषी बेजान दारुवाला यांचं २९ मे रोजी निधन झालं. त्यांचं वय ८९ होतं. त्यांना फुफुस्साचा संसर्ग झाला होता. तसंच करोनाचीही लागण झाली होती.

7/16

सलमान खानची मुख्य भूमिका असणाऱ्या 'रेडी' चित्रपटातून प्रसिद्धीस आलेल्या मोहित बघेल याचं २३ मे रोजी निधन झालं. त्याला कॅन्सर झाला होता. वयाच्या २६ व्या वर्षीच त्याने जगाचा निरोप घेतला.

8/16

लेखक आणि संगीतकार योगेश गौर यांनी २९ मे रोजी जगाचा निरोप घेतला. कही दूर जब दीन ढल जाये आणि जिंदगी कैसे है पहेली सारखी त्यांची गाणी आजही प्रसिद्ध आहेत.

9/16

गेले २५ वर्ष आमिरचा असिस्टंट म्हणून काम करणाऱ्या अमोस यांचं १३ मे रोजी निधन झालं. ह्रदयविकाराचा झटका आल्याने वयाच्या ६० व्या वर्षी त्यांचं निधन झालं.

10/16

प्रेक्षा मेहता क्राइम पेट्रोलमधील आपल्या भूमिकांमध्ये प्रसिद्धीस आली होती. २५ मे रोजी तिने आत्महत्या केली. तिच्या निधनाचं वृत्त समोर आल्यानंतर टीव्ही इंडस्ट्रीला मोठा धक्का बसला.

11/16

टीव्ही अभिनेता मनमीत गरेवाल याने लॉक़डानमुळे निर्माण झालेल्या आर्थिक समस्यांना कंटाळून आपल्या राहत्या घरी आत्महत्या केली. तो फक्त ३२ वर्षांचा होता.

12/16

'कहानी घर घर की' सारख्या मालिकांमधील अभिनयामुळे घराघरात पोहोतलेल्या टीव्ही अभिनेता सचिन याचं ह्रदय बंद पडल्याने निधन झालं.

13/16

क्राइम पेट्रोलमधील आपल्या अभिनयामुळे प्रसिद्धीस आलेल्या शफीक यांचं १० मे रोजी निधन झालं. त्यांना कॅन्सर होता अशी माहिती आहे.

14/16

‘वीरे दी वेडिंग’ या चित्रपटाचा कास्टिंग डायरेक्टर क्रिश कपूर याचं ब्रेन हॅमरेजमुळे निधन झालं. अवघ्या २८ व्या वर्षी त्याने अखेरचा श्वास घेता. ३१ मे रोजी क्रिशचं निधन झाल्याची माहिती त्याच्या कुटुंबीयांनी दिली.

15/16

'पीके' आणि 'रॉक ऑन'सारख्या चित्रपटात झळकलेल्या साई गुंडेवारचं १० मे रोजी निधन झालं. त्याला ब्रेन कॅन्सर होतं. ४२ व्या वर्षी त्याने जगाचा निरोप घेतला.

16/16

शाहरुख खानचा अत्यंत जवळचा मित्र तसंच टीमचा सदस्य असणाऱ्या अभिजीत यांचा मे महिन्यात मृत्यू झाला. शाहरुख खानने सोशल मीडियाच्या माध्यमातून श्रद्धांजली वाहताना आम्ही दोघांनी कशा पद्धतीने एकत्र चित्रपट तयार करण्याच्या प्रक्रियेला सुरुवात केली होती याबद्दल आठवण सांगितली.