२०१३ मध्ये 'चष्मेबद्दूर' या चित्रपटातून बॉलिवूडमध्ये पदार्पण करणाऱ्या तापसी पन्नूने गेल्या वर्षभरात गगनभरारी घेतली आहे. 
दाक्षिणात्य चित्रपटांमध्ये दमदार भूमिका साकारल्यानंतर तापसीने बॉलिवूडची वाट धरली. उत्कृष्ट अभिनय कौशल्याच्या जोरावर तिला बॉलिवूडमध्ये चांगलंच यश मिळालं. 
'पिंक' या चित्रपटानंतर तिची जोरदार चर्चा झाली. तिच्या अभिनय कौशल्याची जाणीव दिग्दर्शकांना होऊ लागली आणि दमदार भूमिका तिच्या वाट्याला येऊ लागल्या. 
२०१९ हे वर्ष तापसीसाठी खास ठरलं असून तिचे चित्रपट बॉक्स ऑफिसवर ब्लॉकबस्टर ठरले. 
२०१९ या वर्षात तिचे चार चित्रपट प्रदर्शित झाले आणि २०२० मध्ये तिचा 'थप्पड' हा चित्रपट प्रेक्षकांच्या भेटीला आला. 
२०१९ या वर्षभरात तापसीच्या चित्रपटांनी तब्बल ३५२.१३ कोटी रुपयांची कमाई केली आहे. त्यामुळे ती सर्वांत यशस्वी अभिनेत्री ठरली आहे. 
मार्चमध्ये प्रदर्शित झालेल्या 'बदला' या चित्रपटाने ८८ कोटी रुपये कमावले. 'गेम ओव्हर'ने ४.५९ कोटी रुपये (फक्त हिंदी व्हर्जन), 'मिशन मंगल'ने २०२.९८ कोटी रुपये, 'सांड की आंख'ने २३.४० कोटी रुपये, 'थप्पड'ने ३३.०६ कोटी रुपये कमावले. या सर्व चित्रपटांची कमाई मिळून ३५२.१३ कोटी रुपये इतकी आहे. 
आगामी काळात तापसीचे 'रश्मी रॉकेट', 'हसीन दिलरुबा', 'शाब्बाश मिठू', 'लूप लपेटा' हे चित्रपट प्रदर्शित होणार आहेत. 
तापसीच्या या यशावर चाहत्यांनीही शुभेच्छांचा वर्षाव केला आहे. 
तापसीने तिच्या मेहनतीच्या जोरावर हे यश संपादन केलं असून त्यावर तिचा पूर्ण हक्क आहे, अशा शब्दांत चाहत्यांनी सोशल मीडियावर भावना व्यक्त केल्या आहेत. (सर्व छायाचित्र सौजन्य : इन्स्टाग्राम/ तापसी पन्नू)
कचऱ्याच्या ढिगाऱ्यावर पक्षांच्या घिरट्या, मुलांचं लक्ष जाताच पायाखालची जमिनच सरकली; माणुसकीला काळिमा फासणारी घटना उजेडात
