-
दिवंगत अभिनेत्री दिव्या भारतीने तेलुगू चित्रपटातून आपल्या बॉलिवूड करिअरला सुरुवात केली होती. वयाच्या १६ व्या वर्षी १९९० मध्येच तिला पहिला चित्रपट मिळाला होता. अनेक तेलुगू चित्रपटांमध्ये काम केल्यानंतर दिव्या भारतीने बॉलिवूडकडे आपला मोर्चा वळवला होता. १९९२ मध्ये विश्वात्मा चित्रपटातून तिने आपल्या बॉलिवूड करिअरला सुरुवात केली होती. एका वर्षात तिने अनेक मोठ्या अभिनेत्यांसोबत काम केलं.
-
पण तुम्हाला माहिती नसेल, एकदा आमीर खानमुळे दिव्या भारतीत कित्येक तास रडत बसली होती.
-
१९९२ मध्ये लंडन टूरवर असताना आमीर खानने दिव्या भारतीसोबत परफॉर्म करण्यासाठी नकार दिला होता. यानंतर दिव्या भारती कित्येक तास रडत होती.
-
आमीर खानने दिव्या भारतीच्या वागण्याने आपण नाराज असल्याचं म्हटलं होतं.
-
पण दिव्या भारतीने एका मुलाखतीत सांगितलं होतं की, "आमीर खानऐवजी मीच नाराज असलं पाहिजे. तुम्ही स्टेजवर लाइव्ह शो करत असताना चुका होतात. मीदेखील चूक केली होती. पण कोणाला कळण्याच्या आधीच मी ती सुधारली. आमीर खानला डान्स माहिती असल्याने हे त्याच्या लक्षात आलं. पण यानंतर त्याने माझ्यासोबत डान्सचा सराव करण्यास नकार दिला".
-
पुढे तिने सांगितलं होतं की, "पण मला सर्वात जास्त वाईट वाटलं जेव्हा मी आमीरला माझ्याऐवजी जुही चावलासोबत डान्स करताना पाहिले. माझ्याकडे तीनच गाणी होती, पण जुहीकडे बरीच होती. आमीरने यानंतर माझ्यासोबत असणाऱ्या गाण्यावर परफॉर्म करण्यास नकार देत आपण थकलो असल्याचं कारण सांगितलं. यामुळे माझ्याकडे 'सात समुंदर' हे एकच गाणं राहिलं".
-
"मला रडू आलं होतं, पण त्यावेळी सलमान मदतीसाठी धावला. त्याच्याकडे अनेक गाणी असतानाही, पायाला दुखापत झाली असतानाही माझ्यासोबत डान्स करण्यास तो तयार झाला." असं दिव्या भारतीने सांगितलं होतं.
-
यानंतर आमीर खान आणि दिव्या भारतीमध्ये अंतर निर्माण झालं होतं. यामुळे आमीर खानने 'डर' चित्रपटातून दिव्या भारतीला बाहेर काढलं असाही आरोप करण्यात आला.
-
झालं असं होतं की, 'डर' चित्रपटासाठी सनी देओलसोबत दिव्या भारतीला साईन करण्यात आलं होतं. पण यश चोप्रा यांच्यासोबत वाद झाल्याने दिव्या भारतीने चित्रपट सोडल्याची चर्चा होती. पण दिव्या भारतीच्या आईने आमीर खाननेच दिव्याला बाहेर काढून तिच्या जागी जुहीला घेतल्याचं सांगितलं होतं.
-
दिव्या भारतीच्या आईने एका मुलाखतीत बोलताना सांगितलं होतं की. "अनेकांना यश चोप्रा यांच्यामुळे दिव्या भारतीला 'डर' चित्रपट मिळाला नाही असं वाटतं. पण तसंच नाहीये. जेव्हा सनी देओलला साइन केलं तेव्हा त्यालाही समोर दिव्या होरोईन म्हणून हवी होती. पण आमीर खानला जुही चावला हवी होती. दुर्दैवाने त्यावेळी आम्ही अमेरिकेत होते. आम्ही निघण्याआधी सनी, आमीर आणि दिव्या यांच्या नावाची घोषणा झाली होती. पण जेव्हा परतलो तेव्हा सनी, आमीर आणि जुहीचं नाव ऐकलं. आमीर खान त्यावेळी यश चोप्रा यांच्यासोबत 'परंपरा' चित्रपटात काम करत होता. त्यानेच दिव्याला बाहेर काढलं आणि जुहीला चित्रपटात घेतलं".
-
पण अखेर आमीर खाननेही 'डर' चित्रपट केला नाही आणि अखेर शाहरुखला तो चित्रपट मिळाला.
-
दिव्या भारतीचा १५ एप्रिल १९९३ रोजी मुंबईमधील वर्सोवा येथील पाचव्या माळ्यावरील बाल्कनीतून खाली पडून मृत्यू झाला.
-
दिव्या भारती त्यावेळी 'लाडला' चित्रपटाचं शूटिंग करत होती. चित्रपटाचं अर्धे शुटिंग झालं होतं. शेवटी दिव्या भारतीच्या जागी श्रीदेवीला घेऊन शुटिंग पूर्ण करण्यात आलं.
-
याशिवाय मोहरा, कर्तव्य, विजयपथ, दिलवाले, आंदोलन अशा अनेक चित्रपटांमध्ये दिव्या भारती झळकणार होती.
-
पण तिच्या मृत्यूमुळे दुसऱ्या अभिनेत्रींना तिच्या जागी घेण्यात आलं.
-
काही चित्रपट तर रद्दच करण्यात आले.
-
एका जाहिरातीमधून पुढे आलेल्या दिव्या भारतीने बॉलिवूडमध्ये एक वेगळी ओळख निर्माण केली होती. तिच्या जाण्याने बॉलिवूडचं खूप मोठं नुकसान झालं एवढं मात्र नक्की.
साली आधी घरवाली! वऱ्हाड्यांसमोर मेहुणीनं नवरदेवाला किस केलं अन् पुढच्याच क्षणी…; Video पाहून लावाल डोक्याला हात
