बॉलिवूडची 'बेबो' अर्थात अभिनेत्री करीना कपूरचं खासगी आयुष्य नेहमीच चर्चेत राहिलं. 
'टशन' या चित्रपटाच्या शूटिंगदरम्यान करीना व सैफ अली खान एकमेकांच्या प्रेमात पडले आणि २०१२ मध्ये दोघांनी लग्न केलं. 
मात्र सैफशी लग्नाचा पुनर्विचार करावा असं अनेकांनी लग्नाआधी बजावल्याचा खुलासा करीनाने केला. 'कॉफी विथ करण' या चॅट शोमध्ये ती बोलत होती. 
"मला बरं वाटतंय की लोकं आता मोकळेपणाने त्यांच्या रिलेशनशिपबद्दल बोलतात. जेव्हा माझं लग्न झालं त्यावेळी इतक्या खुलेपणाने कोणी प्रेम व्यक्त करत नव्हतं," असं ती म्हणाली. 
"मला अनेकांनी बजावलं होतं की सैफ घटस्फोटीत आहे, त्याला दोन मुलं आहेत. तुझं करिअर संपेल. पुन्हा एकदा विचार कर नीट वगैरे. पण मला प्रश्न पडत होता की प्रेमात असणं हा काही इतका मोठा गुन्हा आहे का? मी विचार केला की लग्न करुया, बघू पुढचं पुढे काय होईल ते", असं तिने सांगितलं. 
तिचा हा निर्णय अगदी योग्य असल्याचं सूत्रसंचालक करण जोहर म्हणाला. 
या शोमध्ये तिच्यासोबत प्रियांका चोप्रानेही हजेरी लावली होती. करीनाला पाहून मलासुद्धा खूप प्रेरणा मिळत असल्याचं 'देसी गर्ल' म्हणाली. 
सैफ अली खान व अमृता सिंग यांचा २००४ मध्ये घटस्फोट झाला. 
या दोघांना सारा व इब्राहिम ही दोन मुलं आहेत. 
घटस्फोटाच्या आठ वर्षांनंतर सैफने करीनासोबत लग्न केलं. सैफ व करीना यांच्या वयात दहा वर्षांचं अंतर आहे. सैफ व करीनाला तैमुर हा तीन वर्षांचा मुलगा आहे.
शनिदेव होणार अस्त! ‘या’ राशींसाठी होईल श्रीमंतीचा मार्ग खुला; अपार यशासह मिळणार पैसा अन् धन
