कमल हासन हे नाव आता कोणत्याही व्यक्तीला नवीन राहिलेलं नाही. केवळ कलाविश्वच नाही तर राजकीय वर्तुळातही त्यांच्या नावाचा आता दबदबा असल्याचं पाहायला मिळतं. (सौजन्य : कमल हासन इन्स्टाग्राम, इंडियन एक्स्प्रेस) 
दाक्षिणात्य चित्रपटांसोबतच बॉलिवूडमध्ये देखील त्यांनी अनेक गाजलेले चित्रपट केले. यातील ‘सदमा','चाची ४२०' हे चित्रपट सुपरहिट ठरले. 
त्यामुळे आज त्यांचा मोठा चाहतावर्ग असल्याचं दिसून येतं. विशेष म्हणजे कमल हासन यांच्याविषयी प्रत्येक गोष्ट जाणून घेण्यासाठी चाहते कायमच उत्सुक असतात. 
त्यातच एकेकाळी त्यांच्या लव्ह लाइफविषयी अनेक चर्चा रंगल्याचं पाहायला मिळालं होतं. 
बाल कलाकार म्हणून करिअरची सुरुवात करणारे कमल हासन केवळ उत्तम अभिनेताच नाही, तर ते एक दिग्दर्शक व प्लेबॅक सिंगरदेखील आहेत. 
‘कलाथुर कन्नामा’ हा त्याचा पहिलावहिला चित्रपट होता. त्यानंतर ‘एक दुजे के लिए’ या चित्रपटातून त्याने बॉलिवूडमध्ये पदार्पण केले. या चित्रपटाने बॉक्स ऑफिसवर तुफान कमाई केली. 
त्यानंतर ‘सागर’, ‘गिरफ्तार’, ‘जरा सी जिंदगी’, ‘राज तिलक’, ‘एक नई पहेली’, ‘चाची 420’, ‘हे राम’ अशा अनेक हिंदी चित्रपटांमध्ये काम केलं. 
विशेष म्हणजे त्याकाळी या गाजलेल्या चित्रपटांसोबतच त्यांच्या वैयक्तिक आयुष्याचीदेखील चाहत्यांमध्ये चर्चा रंगत असे. यात अनेकदा त्यांची लव्ह लाइफ चर्चेत राहिली. 
कमल हासन यांचे ७०च्या दशकात अभिनेत्री श्रीविद्यासोबत अफेअर होते. 
त्यानंतर १९७८ साली कमल हासनने वाणी गणपतीसोबत लग्न केले. मात्र त्यांचा संसार १० वर्षे टिकला. 
त्यानंतर कमल हासनच्या आयुष्यात सारिकाची एण्ट्री झाली. कमल हासन आणि सारिका लिव्ह इनमध्ये राहू लागले. मात्र सारिका गर्भवती असल्याचे समजताच १९८८ मध्ये त्यांनी विवाह केल्याच्या चर्चा होत्या. 
त्यांना श्रुती आणि अक्षया या दोन मुली आहेत. 
कमल हासन यांनी २००४ मध्ये सारिकापासून विभक्त होण्याचा निर्णय घेतला. 
त्यानंतर कमल हासनने २२ वर्षांनी लहान असलेल्या सिमरनला डेट करण्यास सुरुवात केली. मात्र त्याचे हे नातेही फार काळ टिकले नाही. 
सिमरनने तिच्या बालपणीच्या मित्रासोबत लग्न केले. 
या सर्वानंतर कमल हासनच्या आयुष्यात गौतमीची एण्ट्री झाली. त्यावेळी त्यांच्या अफेअरच्या जोरदार चर्चा होत्या. मात्र १३ वर्षे लिव्ह इन रिलेशनशीपमध्ये राहून अखेर २०१६ मध्ये दोघांनी नात्याला पूर्णविराम लावला.
४८ तासांमध्ये ५ राशींचा सुरू होईल सुवर्णकाळ! गजकेसरी राजयोगाचा मिळेल भरपूर लाभ अन् यश, लक्ष्मी ठोठावेल दार
