-
गुगल हे आपल्या डुडलमधून महत्त्वाच्या घटनांचे स्मरण करत असतं. जगभरातल्या महत्त्वाच्या व्यक्तींना घटनांना मानवंदना देत असतं. आजचं गुगल डुडलही असंच खास आहे. (सर्व फोटोंचे सौजन्यः गुगल)
-
आज भारतीय वैज्ञानिक आणि प्राध्यापक उडुपी रामचंद्र राव यांची जयंती. त्यांना भारताचा सॅटलाईट मॅन म्हणून ओळखलं जातं. त्यांच्या जयंतीनिमित्त गुगलने त्यांना मानवंदना दिली आहे.
-
स्त्री शिक्षणाच्या प्रणेत्या, भारताच्या पहिल्या स्त्री शिक्षिका सावित्रीबाई फुले यांना गुगलची मानवंदना.
-
भारतीय चित्रपटसृष्टीचे जनक दादासाहेब फाळके ज्यांनी संपूर्ण भारतीय बनावटीचा पहिला मूकपट बनवला.
-
कुष्ठरोग्यांना मुख्य प्रवाहात आणण्यासाठी, त्यांचं आयुष्य चांगलं करण्यासाठी आयुष्यभर झटत राहिले असे सामाजिक कार्यकर्ते आणि विचारवंत मुरलीधर देविदास आमटे अर्थात बाबा आमटे.
-
पु.ल.देशपांडे, मराठी विनोदी लेखक, गीतकार, संगीतकार, अभिनेते, दिग्दर्शक, विचारवंत. ज्यांनी आपल्या लिखाणातून पोटभरून हसवलं त्याचबरोबर गरज पडेल तशी समाजाची कानउघडणीही केली. त्यांना समर्पित गुगलचं हे डुडल.
-
भारतीय अंतराळ संशोधन संस्थेचे संस्थापक आणि भारताच्या अंतराळ संशोधन कार्यक्रमाचे जनक डॉ. विक्रम साराभाई.
-
दीर्घकाळ रुगणसेवा करणाऱ्या भारताच्या पहिल्या महिला डॉक्टर रखमाबाई राऊत यांना गुगलची मानवंदना.
-
उर्दु साहित्यातले सर्वोत्क़ृष्ट कवी मिर्झा असदुल्लाह बैग खान अर्थात मिर्झा गालिब यांना गुगलची मानवंदना.
-
भारतीय चित्रपटसृष्टीत मोलाचं योगदान देणारे व्ही. शांताराम यांचं हे डुडल. या डुडलमध्ये त्यांच्या ३ चित्रपटांचं चित्रण केलेलं आहे. ते चित्रपट म्हणजे अमर भूपाळी, झनक झनक पायल बाजे आणि दो आँखे बारा हाथ.
-
डॉ. जोहरा बेगम काझी या भारतीय वंशाच्या भौतिकशास्त्रज्ञ, प्राध्यापक आणि समाजसुधारक यांच्या जयंतीनिमित्त त्यांच्या कार्याला सलाम करणारं हे डुडल.
-
भारतीय चित्रपटसृष्टीतले सामर्थ्यवान अभिनेते अमरीश पुरी यांना समर्पित डुडल.
-
विज्ञानाच्या क्षेत्रात आपला वेगळा ठसा उमटवणाऱ्या आणि विज्ञानाच्या क्षेत्रात डॉक्टरेट मिळवणाऱ्या पहिल्या भारतीय महिला म्हणजे डॉ. असीमा चॅटर्जी.
-
भारतीय अभिनेते फारुक शेख यांना समर्पित डुडल.
-
जगभरातल्या रसिकांना आपल्या जादुई आवाजाने भुरळ पाडणारे गायक किशोर कुमार यांना समर्पित हे डुडल.
-
जगभरात आपल्या अभिनयाची आणि सौंदर्याची छाप सोडणारी अभिनेत्री मधुबाला हिच्या जयंतीनिमित्त डुडल.
-
भारतीय सिनेसृष्टीवर, मोठ्या पडद्यावर पुरुषांचं वर्चस्व असणाऱ्या काळात स्त्रीकेंद्री चित्रपट करणारी आणि त्यात सामर्थ्यवान स्त्रियांची भूमिका साकारणारी अभिनेत्री नूतन.
-
पार्श्वगायनाचा राजा ज्यांना म्हटलं जायचं असे गायक मोहम्मद रफी यांना समर्पित डुडल.
-
भारतीय लेखक आर. के. नारायण, आजही लोक ज्यांच्या मालगुडी डेजच्या प्रेमात आहेत. त्यांना गुगलने दिलेली मानवंदना.
-
भारतीय अभिनेत्री आणि नृत्यांगना जोहरा सेहगल यांना गुगलने दिलेली मानवंदना.
Chhaava: मकरंद अनासपुरे ‘छावा’ पाहिल्यावर म्हणाले, “इतिहासाची मोडतोड…”
