-
मराठी चित्रपटसृष्टीमधील अतिशय लोकप्रिय अभिनेता अनिकेत विश्वासराव सध्या चर्चेत आहे.
-
या चर्चा अनिकेतची पत्नी अभिनेत्री स्नेहा विश्वासरावने पती, सासू आणि सासरे यांच्यावर कौटुंबिक हिंसाचार आणि मारहाण केल्याची तक्रार केल्यानंतर सुरु झाल्या आहेत.
-
या प्रकरणी पुण्यातील अलंकार पोलिस स्टेशनमध्ये गुन्हा दाखल करण्यात आला आहे.
-
अभिनेता अनिकेत विश्वासराव आणि अभिनेत्री स्नेहा चव्हाणने डिसेंबर २०१८ मध्ये लग्नगाठ बांधली होती.
-
लग्नाचा कुठेही गाजावाजा न करता अगदी निवडक लोकांच्या उपस्थितीत हा विवाहसोहळा पार पडला होता.
-
अनिकेत आणि स्नेहाची ओळख हृदयात समथिंग समथिंग या चित्रपटाच्या वेळी झाली होती.
-
त्यानंतर हळूहळू त्यांच्यामध्ये घट्ट मैत्री झाली.
-
दरम्यान, त्याचवेळी स्नेहाच्या घरी तिच्या लग्नासाठी स्थळ शोधणे सुरु झाले होते.
-
स्नेहाची आई आणि अनिकेतची मावशी एकाच बिल्डिंगमध्ये राहतात. तसेच त्या एकमेकींच्या चांगल्या मैत्रीणी आहेत.
-
तर, अनिकेतच्या मावशीने स्नेहाचं स्थळ त्याच्या आईला सुचवले होते.
-
स्नेहाच्या घरी अनिकेत पसंत होता
-
त्यानंतर स्नेहा आणि अनिकेतने एकमेकांशी संवाद साधत लग्नाला होकार दिला.
-
‘अनोळखी मुलीशी लग्न करण्यापेक्षा आम्ही लग्न करण्याचा निर्णय घेतला’, असे अनिकेतने एका मुलाखतीमध्ये म्हटले होते.
-
हृदयात समथिंग समथिंग चित्रपटाच्या प्रमोशनच्या वेळी त्यांचा साखरपुडा झाला होता.
-
त्यानंतर डिसेंबर २०१८मध्ये त्यांनी लग्न केले.
-
स्नेहाने ‘लाल इश्क’ या चित्रपटात भूमिका साकारली होती आणि तिची ही भूमिका गाजली देखील होती.
-
आता स्नेहाने अनिकेतच्या विरोधात पोलिसात तक्रार दाखल केली आहे.
VIDEO: “म्हणून कुणालाच कमी समजू नका” गरूडानं केली सिंहाची शिकार; १ हजार फूट उंचावर नेलं अन्..शेवटी कोण पडलं कुणावर भारी?
