-
अभिनेता शाहिद कपूरच्या ‘जर्सी’ चित्रपटाचा ट्रेलर नुकताच प्रदर्शित झाला.
-
एका तेलुगू चित्रपटाच्या रिमेक असणारा हा चित्रपट ३१ डिसेंबर रोजी थिएटर्समध्ये प्रदर्शित होणार आहे.
-
ट्रलेर पाहिल्यानंतर अनेकांनी शाहिदच्या अभिनयाचं कौतुक केलं आहे.
-
मात्र त्याचवेळी शाहिदसोबत या चित्रपटामध्ये प्रमुख भूमिका साकारणारी अभिनेत्री मृणाल ठाकूरनेही अनेकांचं लक्ष वेधून घेतलं आहे.
-
ट्रेलरच्या सुरुवातीपासूनच मृणालची भूमिकेवरील पकड दिसून येत आहे.
-
घराची आर्थिक परिस्थिती संभाळताना विवंचनेमध्ये असलेली महिता मृणालने साकारलीय.
-
ट्रेलरवरुन अंदाज बांधला जातोय त्याप्रमाणे मृणालच्या भूमिकेचेही वर्तमानकाळ आणि भूतकाळ असे दोन पैलू पहायला मिळणार आहेत.
-
एक क्रिकेटपटू असणारा शाहीद काही कारणास्तव क्रिकेटपासून दुरावतो आणि मग नंतर त्याच्या आयुष्यामध्ये इतके बदल होतात की मुलाला एक साधी जर्सी घेऊन देण्यासाठीही त्याला पत्नीकडे पैसे मागावे लागतात, असं ट्रेलरमध्ये दाखवण्यात आलंय.
-
शाहिदवर ही वेळ का आली?, त्याच्यासोबत नक्की काय घडलं? स्टार क्रिकेटर असताना त्याने क्रिकेटच्या मैदानातून काढतं पाऊल काय घेतलं? या आणि अशा अनेक साऱ्या प्रश्नांची उत्तर कथानकामध्ये आहेत.
-
मात्र शाहिदने साकारलेल्या मुख्य पात्रासोबतच कथानकात त्याच्यासोबत असणाऱ्या मृणालच्या पात्रामध्येही बराच फरक जाणवतो.
-
२ मिनिटे ५३ सेकंदाच्या ट्रेलरमध्ये शाहीदप्रमाणेच मृणालच्याही अनेक छटा दिसत आहेत.
-
संसाराचा गाडा एकटीच्या खांद्यावर असणारी वर्किंग वूमन ही सध्याची भूमिका वठवातना तिच्या चेहऱ्यावरील दु:ख, निराशा लगेच दिसून येते.
-
त्याचवेळी फ्लॅशबॅकमध्ये मात्र बोल्ड आणि बिनधास्त मुलीची भूमिका मृणाल साकारताना दिसते.
-
अगदी तारुण्यातील प्रेयसी ते लग्नानंतर जबाबदारी खांद्यावर पडल्यानंतरही पत्नी असं मृणालचं ट्रान्सफॉर्मेशन दिसून येतं.
-
या छोट्या ट्रेलरमध्ये शाहिद आणि मृणालचे काही किसिंग सिन्सही दाखवम्यात आलेत.
-
चित्रपटाच्या मुख्य कथेला समांतरी या दोघांच्या सरांसाची कथा ते फ्लॅशबॅकमध्ये लव्हर स्टोरी असा प्रवास पहायला मिळणार असल्याची शक्यता दिसतेय.
-
दोन्ही भूमिकांमध्ये ट्रेलरमध्ये तरी दोघांनीही पात्राच्या गरजेप्रमाणे अभिनयाच्या माध्यमातून भूमिकेला न्याय दिलेला दिसतोय.
-
आता शाहिदमध्ये कबीर सिंग दिसणाऱ्यांना मृणालमध्येही कबीरच्या प्रितीप्रमाणे दमदार अभिनयाची जुगलबंदी पहायला मिळणार का हे ३१ डिसेंबरलाच स्पष्ट होईल. (सर्व फोटो ट्रेलरवरुन स्क्रीशॉर्ट, झी म्युझिकच्या सौजन्याने)
मराठमोळ्या अभिनेत्रीसह २२ वर्षांपासून लिव्ह इनमध्ये राहतोय अभिनेता; लग्नाबद्दल म्हणाला, “मी कायम माझ्या…”
