Photos : ‘पावनखिंड’ चित्रपटात रायाजीची भूमिका साकारणाऱ्या अंकित मोहनची पत्नी आहे ‘ही’ मराठी अभिनेत्री

1/24

दिग्दर्शक दिग्पाल लांजेकर यांच्या ‘श्री शिवराजअष्टक’ सीरिजमधील ‘पावनखिंड’ हा चित्रपट १८ फेब्रुवारी रोजी संपूर्ण महाराष्ट्रात प्रदर्शित झाला.

2/24

‘पावनखिंड’ या चित्रपटाला प्रेक्षकांकडून भरभरून प्रेम मिळत आहे.

3/24

मृणाल कुलकर्णी, प्राजक्ता माळी, चिन्मय मांडलेकर, अंकित मोहन, क्षिती जोग, अजय पूरकर, समीर धर्माधिकारी, शिवराज वायचळ यांसारख्या मातब्बर कलाकारांनी ‘पावनखिंड’मध्ये भूमिका साकारल्या आहेत.

4/24

शूरवीर बाजीप्रभू देशपांडे यांच्या बलिदानावर आधारित शिवचरित्रातील सुवर्णपान असलेल्या पावनखिंडीची गाथा सांगणारा हा चित्रपट आहे.

5/24

या चित्रपटातील कलाकारांचे कौतुक होताना दिसत आहे.

6/24

अभिनेता अंकित मोहन याने या चित्रपटात पिळदार शरीरयष्टी असणाऱ्या श्रीमंत रायाजीराव बांदल यांची भूमिका साकारली आहे.

7/24

बाजीप्रभू देशपांडे यांच्या सोबत रायाजी बांदल यांनी देखील पावनखिंडीत प्राणांची आहुती दिली होती.

8/24

कसदार अभिनयाने अंकित मोहन याने रायाजी पडद्यावर साकारले आहेत.

9/24

अभिनेत्री प्राजक्ता माळीने ‘पावनखिंड’ चित्रपटात रायाजी बांदल यांच्या पत्नी श्रीमंत भवानीबाई बांदल यांची भूमिका साकारली आहे.

10/24

अंकितची खऱ्या आयुष्यातील पत्नी देखील अभिनय क्षेत्रात असून एक उत्तम अभिनेत्री आहे.

11/24

मराठमोळी अभिनेत्री रुची सवर्ण ही अंकितची पत्नी आहे.

12/24

रुचीने ‘पावनखिंड’ चित्रपटात छत्रपती शिवाजी महाराज यांच्या पत्नी ‘सोयराबाई’ यांची भूमिका साकारली आहे.

13/24

रुची आणि अंकितने दिग्पाल लांजेकर यांच्या ‘फत्तेशिकस्त’ आणि ‘फर्जंद’ या चित्रपटात देखील भूमिका साकारल्या आहेत.

14/24

या दोन्हीही चित्रपटांत रुची सवर्ण सोयराबाईंच्या भूमिकेत दिसली.

15/24

तर अंकित मोहनने ‘फत्तेशिकस्त’ चित्रपटात येसाजी कंक यांची भूमिका साकारली होती.

16/24

अंकित ‘फर्जंद’मध्ये मुख्य भूमिकेत होता.

17/24

त्याने कोंडाजी फर्जंद यांची भूमिका साकारली होती.

18/24

रुचीने चित्रपटांसोबतच अनेक मराठी आणि हिंदी मालिकांमध्ये काम केलं आहे.

19/24

‘कुमकुम भाग्य’, ‘कुंडली भाग्य’ या मालिकेतील रुचीच्या भूमिका लक्षवेधी ठरल्या होत्या.

20/24

तर अंकित मोहन स्टार प्लस वाहिनीवरील ‘महाभारत’ या मालिकेमुळे प्रकाशझोतात आला.

21/24

या मालिकेत त्याने ‘अश्वत्थामा’ हे पात्र साकारलं होतं.

22/24

रुची सवर्ण आणि अंकित मोहन २०१५ साली विवाहबंधनात अडकले.

23/24

नुकतंच हे दोघेही आई-बाबा झाले आहेत.

24/24

(सर्व फोटो : रुची सवर्ण , अंकित मोहन/ इन्स्टाग्राम)