‘झुंड’ चित्रपटाच्या कमाईत घसघशीत वाढ, सहा दिवसात कमावले इतके कोटी

1/12

बॉलिवूड अभिनेता अमिताभ बच्चन यांची प्रमुख भूमिका असलेला झुंड हा चित्रपट सध्या चर्चेचा विषय ठरत आहे. गेल्या ४ मार्चला हा चित्रपट प्रेक्षकांच्या भेटीला आहे. नागराज मंजुळे यांनी या चित्रपटाचे दिग्दर्शन केले आहे.

2/12

‘झुंड’ या बहुचर्चित आणि बहुप्रतिक्षित चित्रपटाची कथा अनेक प्रेक्षकांना आवडली आहे. या चित्रपटाचे अनेक चित्रपट समीक्षक आणि कलाकार कौतुक करताना दिसत आहे.

3/12

हा चित्रपट बॉक्स ऑफिसवर प्रदर्शित झाला, त्यावेळी या चित्रपटाची कमाई संथगतीने सुरु होती. मात्र आता या चित्रपटाच्या कमाईमध्ये चांगलीच वाढ होताना दिसत आहे.

4/12

नुकतंच या चित्रपटाच्या सहाव्या दिवसाचे बॉक्स ऑफिस कलेक्शन समोर आले आहे. यानुसार या चित्रपटाने आतापर्यंत १० कोटी रुपयांची कमाई केली आहे.

5/12

अमिताभ बच्चन यांचा ‘झुंड’ हा चित्रपट बॉक्स ऑफिसवर दररोज १ कोटींहून अधिक कमाई करत आहे.

6/12

या चित्रपटाने मंगळवारी साधारण १.३० कोटी रुपयांच्या आसपास कमाई केली आहे. तर बुधवारी म्हणजेच सहाव्या दिवशी या चित्रपटाने सुमारे १ कोटी कमावले आहेत.

7/12

त्यामुळे झुंड चित्रपटाची गेल्या सहा दिवसांची एकूण कमाई आता जवळपास १० कोटी रुपयांच्या जवळ पोहोचली आहे.

8/12

‘झुंड’ या चित्रपटाने पहिल्या तीन दिवसात ६.५० कोटी रुपयांचा गल्ला जमवला होता. या चित्रपटाने पहिल्या दिवशी बॉक्स ऑफिसवर १.५० कोटींची कमाई केली होती.

9/12

त्यानंतर शनिवारी २. १० कोटी आणि रविवारी २.९० कोटी रुपयांचा गल्ला जमवला आहे. त्यामुळे तीन दिवसात या चित्रपटाने जवळपास ६.५० कोटींची कमाई केली होती.

10/12

या चित्रपटाची सुरुवातीची कमाई कमी झाल्याने त्याचे बॉक्स ऑफिस कलेक्शन कमी झाल्याचे पाहायला मिळत आहे.

11/12

‘झुंड’ हा चित्रपट स्लमसॉकरचे संस्थापक विजय बरसे यांच्या आयुष्यावर आधारित आहे. या चित्रपटाचे दिग्दर्शन नागराज मंजुळे यांनी केले आहे.

12/12

‘झुंड’ हा चित्रपट ४ मार्च रोजी चित्रपटगृहांमध्ये प्रदर्शित झाला. या चित्रपटात अमिताभ बच्चन हे महत्त्वाच्या भूमिकेत दिसणार आहेत. तर आकाश ठोसर आणि रिंकू राजगुरु यांना पुन्हा एकत्र पाहण्यासाठी चाहते उत्सुक असल्याचे दिसत आहे.