‘द काश्मीर फाईल्स’ने ब्रेक केले बॉक्स ऑफिसवरील सर्व रेकॉर्ड, सात दिवसात कमावले तब्बल इतके कोटी

1/15

विवेक अग्निहोत्री दिग्दर्शित आणि अनुपम खेर यांची प्रमुख भूमिका असलेला ‘द कश्मीर फाइल्स’ हा चित्रपट बॉक्स ऑफिसवर तुफान कमाई करताना दिसत आहे.

2/15

‘द कश्मीर फाइल्स’ या चित्रपटाने बॉक्स ऑफिसवरील सर्व रेकॉर्ड ब्रेक केले आहेत.

3/15

हा चित्रपट प्रदर्शित होऊन एक आठवडाही पूर्ण झालेला नाही. पण लवकरच हा चित्रपट १०० कोटींच्या क्लबमध्ये प्रवेश करणार आहे.

4/15

चित्रपट व्यापार विश्लेषक तरण आदर्श यांनी दिलेल्या माहितीनुसार, ‘द कश्मीर फाइल्स’ हा चित्रपट ११ मार्च रोजी प्रदर्शित झाला.

5/15

काश्मीरमधील पंडितांवर १९९० साली झालेल्या अत्याचारांसंदर्भातील कथानकावर हा चित्रपट आधारित आहे.

6/15

या चित्रपटाने सातव्या दिवशी १८.०५ कोटी रुपयांची कमाई केली आहे. त्यामुळे या चित्रपटाचे एकूण बॉक्स ऑफिस कलेक्शन ९७.३० कोटी झाले आहे.

7/15

हा चित्रपट सुरुवातीला ६५० स्क्रीन्सवर प्रदर्शित करण्यात आला होता. मात्र त्यानंतर प्रेक्षकांचा वाढता प्रतिसाद पाहून हा चित्रपट सध्या ४ हजारांहून अधिक स्क्रीन्सवर प्रदर्शित होत आहे. तसेच चित्रपटाच्या कमाईतही दिवसेंदिवस वाढ होत आहे.

8/15

‘द कश्मीर फाइल्स’ या चित्रपटाने प्रदर्शनाच्या पहिल्या दिवशी ३.५५ कोटींची कमाई केली होती.

9/15

तर दुसऱ्या दिवशी या चित्रपटाने पहिल्या दिवसाच्या दुप्पट म्हणजे ८.५० कोटींची कमाई केली.

10/15

या चित्रपटाने तिसऱ्या दिवशी १५.१० कोटी, चौथ्या दिवशी १५.०५ कोटी, पाचव्या दिवशी १८ कोटी आणि सहाव्या दिवशी १९.०५ कोटींची कमाई केली होती.

11/15

त्यानंतर आता सातव्या दिवशी या चित्रपटाने १८.०५ कोटींचा गल्ला जमवला आहे.

12/15

त्यामुळे सहाव्या दिवसापर्यंत एकूण ७९.२५ कोटी रुपये कमाई असलेल्या या चित्रपटाने सातव्या दिवसअखेर ९७.३० कोटी कमावले आहे.

13/15

नुकतंच या चित्रपटाने जगभरात १०६.८० कोटींचा गल्ला बॉक्स ऑफिसवर कमावला आहे.

14/15

‘द कश्मीर फाइल्स’ हा चित्रपट ११ मार्चला प्रदर्शित झाला. हा चित्रपट १९९० च्या दशकातील काश्मिरी पंडितांचे पलायन आणि त्यांची निर्दयी हत्या यावर आधारित आहे.

15/15

या चित्रपटात अनुपम खेर, मिथुन चक्रवर्ती, दर्शन कुमार, पल्लवी जोशी आणि चिन्मय मांडलेकर यांसारखे प्रसिद्ध कलाकार प्रमुख भूमिकेत पाहायला मिळत आहेत.