-
दाक्षिणात्य दिग्दर्शक एस.एस.राजमौली यांचा ‘आरआरआर’ हा चित्रपट बॉक्स ऑफिसवर सध्या धुमाकूळ घालतोय.
-
२५ मार्च रोजी प्रदर्शित झालेल्या या चित्रपटाने अनेक रेकॉर्ड मोडले आहेत.
-
अभिनेता राम चरण आणि ज्युनियर एनटीआर मुख्य भूमिकेत असलेल्या या चित्रपटाने पहिल्याच दिवशी २०० कोटींपेक्षा अधिक कमाई केली.
-
प्रदर्शित झाल्यानंतर अवघ्या काही दिवसातंच बॉक्स ऑफिसवर २०० कोटींपेक्षा अधिक कमाई करणाऱ्या चित्रपटांवर एक नजर टाकूया.
-
बाहुबली २ : राजमौलींचा ‘बाहुबली २’ हा चित्रपट खूप गाजला. ‘आरआरआर’ प्रमाणेच या चित्रपटाने देखील प्रदर्शित होताच अनेक रेकॉर्ड्स मोडले होते.
-
प्रदर्शनाच्या पहिल्याच दिवशी ‘बाहुबली २’ चित्रपटाने बॉक्स ऑफिसवर तब्बल २१७ करोड रुपयांचा गल्ला जमवला होता.
-
धूम ३ : बॉलिवूडमधील सुपरहिट चित्रपटांपैकी एक चित्रपट म्हणजे ‘धूम ३’. यश राज फिल्म्सची निर्मिती असलेल्या या चित्रपटात अभिनेता आमिर खान, अभिषेक बच्चन, यश चोप्रा आणि अभिनेत्री कतरिना कैफ अशी स्टार कास्ट होती.
-
२०१३ साली प्रदर्शित झालेल्या या चित्रपटाने अवघ्या तीन दिवसांतच बॉक्स ऑफिसवर २०० कोटींपेक्षा अधिक कमाई केली होती.
-
संजू : बॉलिवूड अभिनेता संजय दत्त याच्या जीवनावर आधारित असलेल्या या चित्रपटात रणबीर कपूर मुख्य भूमिकेत होता.
-
बॉक्स ऑफिसवर हा चित्रपट ब्लॉकबस्टर ठरला होता. ‘धूम ३’ प्रमाणेच या चित्रपटाने देखील तीन दिवसांत २०० कोटींचा गल्ला जमवला होता.
-
टायगर जिंदा है : बॉलिवूडचा भाईजान सलमान खानच्या ‘टायगर जिंदा है’ या चित्रपटाने देखील चार दिवसांत २०० कोटींपेक्षा अधिक कमाई केली होती.
-
२०१७ साली हा चित्रपट प्रदर्शित झाला होता.
-
दंगल : २०१६ साली प्रदर्शित झालेल्या ‘दंगल’ या चित्रपटाने चार दिवसांत २०० कोटींचा गल्ला जमवला होता.
-
या चित्रपटात बॉलिवूडचा मिस्टर परफेक्शनिस्ट आमिर खान मुख्य भूमिकेत होता.
-
पुष्पा : २०२१च्या अखेरीस प्रदर्शित झालेल्या या दाक्षिणात्य चित्रपटाची क्रेझ अजूनही कायम आहे.
-
मग ती पुष्पाची हुक स्टेप असो अथवा चित्रपटातील डायलॉग. या चित्रपटातील पुष्पाने सगळ्यानांच वेडं करून सोडलं आहे.
-
दाक्षिणात्य अभिनेता अल्लू अर्जुन मुख्य भूमिकेत असलेल्या या चित्रपटाने प्रदर्शित होताच रेकॉर्डब्रेक कामगिरी केली.
-
अवघ्या पाच दिवसांत ‘पुष्पा’ चित्रपटाने बॉक्स ऑफिसवर २०० कोटी रुपयांचा गल्ला जमवला होता. (सर्व फोटो : आयएमडीबी)
हृदयद्रावक! वडिलांच्या चितेला अग्नी दिला अन् थेट पोहोचला परीक्षा केंद्रावर, मात्र…
