-
सध्या ओटीटीचा जमाना आहे. अनेक जण ओटीटीवरील वेब सीरिज बघत आपला फावला वेळ किंवा विकेंड घालवतात.
-
क्राइम, थ्रीलर, रोमान्सने भरपूर असलेल्या अनेक वेब सीरिज ओटीटीवर उपलब्ध आहेत.
-
परंतु या वेब सीरिज फॅमिलीसोबत एकत्र बसून पाहण्यास संकोच वाटतो.
-
नेटफ्लिक्स, अ‍ॅमेझॉन प्राइम, हॉटस्टार या ओटीटी प्लॅटफॉर्मवर काही कॉमेडी वेब सीरिजही आहेत ज्या तुम्ही कुटुंबासोबत पाहू शकता.
-
गुल्लक : सोनी-लिववरील ‘गुल्लक’ ही एक कॉमेडी वेब सीरिज आहे.
-
या वेब सीरिजची कथा मध्यमवर्गीय कुटुंब आणि त्यांना भेडसावणाऱ्या समस्या यावर आधारित आहे.
-
गुल्लक वेब सीरिजचे तीन सीजन प्रदर्शित झालेले आहेत. हलके-फुलके विनोद असलेली ही वेब सीरिज तुम्ही कुटुंबासोबत पाहू शकता.
-
पर्मनन्ट रूममेट्स : ‘पर्मनन्ट रूममेट्स’ ही वेब सीरिज एमएक्स प्लेयरवर उपलब्ध आहे. लिव्ह इनमध्ये राहणाऱ्या एका जोडप्याची कहाणी या वेब सीरिजमधून दाखवण्यात आली आहे. (फोटो : आयएमडीबी)
-
गर्लफ्रेण्डसोबत लग्न करण्यासाठी परदेशातून भारतात परतलेल्या बॉयफ्रेण्डला त्याच्या गर्लफ्रेण्डच्या इच्छेमुळे लिव्ह इनमध्ये राहावं लागतं. रोमांचक कथा असलेल्या ‘पर्मनन्ट रूममेट्स’ या वेब सीरिजचे दोन सीझन प्रदर्शित झाले आहेत.(फोटो : आयएमडीबी)
-
पंचायत : ‘पंचायत’ ही एक कॉमेडी वेब सीरिज आहे. शहरातील अभिषेकला ‘फुलेरा’ नावाच्या एका छोट्याशा गावात सरकारी नोकरी लागते.
-
शहरात राहिलेल्या अभिषेकला गावात आल्यानंतर अनेक अडचणींचा सामना करावा लागतो.
-
‘पंचायत’ ही वेब सीरिज खूप गाजली होती. अ‍ॅमेझॉन प्राइमवर ही वेब सीरिज तुम्ही कुटुंबासोबत पाहू शकता.
-
माइंड द मल्होत्राज : एकमेकांवर खूप प्रेम करणाऱ्या नवरा-बायकोवर आधारित या वेब सीरिजची कथा आहे.
-
मित्र-मैत्रिणींचे होणारे घटस्फोट पाहून नात्यात दुरावा निर्माण होणार नाही यासाठी प्रयत्न करणाऱ्या एका निरागस जोडप्याची ही कहाणी आहे.
-
ही वेब सीरिज अ‍ॅमेझॉन प्राइमवर उपलब्ध आहे.
-
ट्रिपलिंग : एमएक्स प्लेयरवर असलेली ‘ट्रिपलिंग’ ही वेब सीरिज रोड ट्रिपवर निघालेल्या तीन भाऊ-बहिणीची कहाणी आहे.
-
या वेब सीरिजमध्ये अनेक ट्विस्ट असून सीरिजचे दोन सीजन प्रदर्शित झाले आहेत.
-
(सर्व फोटो : इंडियन एक्सप्रेस)
Eknath Shinde : एकनाथ शिंदेंकडून विनोद कांबळीला ‘इतक्या’ लाखांची मदत जाहीर, डॉक्टरांना दिल्या महत्त्वाच्या सूचना
