-
सोनी मराठी वाहिनीवरील ‘बॉस माझी लाडाची’ ही मालिका प्रेक्षकांचं पुरेपूर मनोरंजन करताना दिसत आहे.
-
या मालिकेतील बॉस आणि मिहीर यांच्यातील शाब्दिक वाद, प्रेमाचं नाटक हे सगळंच बघायला प्रेक्षकांना मजा येत होती.
-
आता हे दोघेही लग्नबंधनात अडकणार आहेत.
-
मालिकेत मिहीर आणि राजेश्वरी यांच्या लग्नाची सनई वाजणार आहे.
-
छोट्या पडद्यावर पहिल्यांदाच बॉस आणि कर्मचारी यांचं लग्न प्रेक्षकांना बघायला मिळणार आहे.
-
बॉस आणि मिहीर यांचं लग्न म्हणजे एक करार असला तरीही इतर लग्नांप्रमाणेच सगळे विधी या विवाहसोहळ्यात पाहायला मिळणार आहेत.
-
समाजमाध्यमांवर तर यांच्या नावाचा ‘माहिराज’ असा हॅशटॅग तयार झाला असून त्यांचे चाहते या लग्नासाठी फारच उत्सुक आहेत.
-
या दोघांनीही मराठमोळं प्री वेडिंग फोटोशूट देखील केलं आहे.
-
नेहेमी पाश्चिमात्य कपड्यांमध्ये दिसणारी बॉस या वेळेस मराठमोळी नऊवारी साडी, मराठमोळे दागिन्यांमध्ये दिसली. तर मिहीरसुद्धा कुर्ता आणि धोतर या पोशाखात दिसला.
-
हर्षे आणि मांजरेकर कुटुंबांत लगीनसराई सुरू आहे.
-
हळद, संगीत, मेहंदी असे सगळे विधी प्रेक्षकांना बॉस माझी लाडाची या मालिकेच्या पुढील काही भागांत पाहायला मिळणार आहेत .
-
बॉसला या सगळ्या गोष्टी आवडत नसल्या तरीही कंपनी वाचवण्यासाठी रीतसर विधिवत लग्न करायला तिने मिहीरला होकार दिला आहे.
-
लग्नासाठी राजेश्वरीने नऊवारी साडी परिधान केली आहे. तर मिहीरने फेटा बांधून पारंपारिक लूक केला आहे.
-
‘माहिराज’च्या विवाहसोहळ्यातील खास क्षण.
-
मिहीर आणि बॉस यांचं लग्न निर्विघ्नपणे पार पडणार का?,मिहीरची आजी म्हणजेच आऊ लग्नाला मनापासून संमती देणार का?, बॉसचे काका-काकू लग्नात काही गडबड तर करणार नाहीत ना? ,या सगळ्या प्रश्नांची उत्तरं प्रेक्षकांना मालिकेच्या विवाहविशेष भागात पाहायला मिळणार आहेत.
“मनोज जरांगे समाजकंटक, त्यानं..”, वाल्मिक कराडच्या पत्नीचा आक्रोश; बजरंग सोनवणे, अंजली दमानियांवर केले आरोप
