-
मराठमोळी अभिनेत्री प्राजक्ता माळी ही लोकप्रिय अभिनेत्रींपैकी एक आहे. प्राजक्ताने आतापर्यंत अनेक मालिकांमध्ये काम केले आहे.
-
प्राजक्ता ही ‘जुळून येती रेशीमगाठी’, ‘नकटीच्या लग्नाला यायचं हं’ यांसारख्या प्रसिद्ध मालिकेतून घराघरात पोहोचली.
-
प्राजक्ताने अभिनयाच्या जोरावर प्रत्येक प्रेक्षकाच्या मनात एक वेगळे स्थान निर्माण केलं आहे.
-
काही दिवसांपूर्वी ती ‘रानबाजार’ या वेबसीरिजमध्ये झळकली होती. तिची ही वेबसीरिज बरीच गाजली होती.
-
त्यानंतर तिचा ‘वाय’ हा चित्रपटही चांगलाच चर्चेत होता. या चित्रपटात तिने अभिनेत्री मुक्ता बर्वेसोबत स्क्रीन शेअर केली होती.
-
नुकतंच या चित्रपटाचे हरियाणामधील चंदीगढ येथे स्पेशल स्क्रिनिंग आयोजित करण्यात आले होते.
-
यावेळी ‘वाय’ चित्रपटाच्या टीमने हरियाणाचे मुख्यमंत्री मनोहर लाल खट्टर यांची भेट घेतली. याचे काही खास फोटो प्राजक्ता माळीने शेअर केले आहेत.
-
यासोबत ती म्हणाली, “दिल्लीनंतर आमच्या वाय चित्रपटाचे स्पेशल स्क्रिनिंग हरियाणा चंदीगड येथे आयोजित करण्यात आले होते. यावेळी चित्रपटाच्या टीमने हरियाणाचे मुख्यमंत्री मनोहर लाल खट्टर यांची भेट घेतली.”
-
“हा चित्रपट महाराष्ट्राबाहेरील प्रेक्षकांपर्यंत पोहोचतोय याचा आनंद आहे. हो हा पॅन इंडिया पातळीवरील चित्रपट आहे”, असेही प्राजक्ताने या कॅप्शनमध्ये म्हटले आहे.
-
‘वाय’ या चित्रपटाची निर्मिती कंट्रोल एन प्रॉडक्शनने केली आहे. या चित्रपटाची कथा अजित सुर्यकांत वाडीकर यांची आहे.
-
तर या चित्रपटाची पटकथा आणि संवाद अजित वाडीकर, स्वप्नील सोज्वळ आणि संदीप दंडवते यांनी लिहिलेले आहेत. तर कार्यकारी निर्मात्याची धुरा विराज विनय मुनोत यांनी सांभाळली आहे.
-
हा चित्रपट २४ जून रोजी चित्रपटगृहात प्रदर्शित झाला होता. या चित्रपटाने बॉक्स ऑफिसवर चांगली कमाई केली होती.
लग्नानंतर ५ वर्षांनी ‘ही’ मराठी अभिनेत्री होणार आई! परदेशात पार पडलं डोहाळेजेवण, ‘स्टार प्रवाह’च्या लोकप्रिय मालिकेत केलंय काम
